網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年11月22日 星期五

修補 40年裂縫 關菊英貼身照顧病重老父




滾熱辣

修補 40年裂縫 關菊英貼身照顧病重老父

本年初關菊英母親何潤清逝世,關菊英低調處理亡母喪事,幸好有同性密友周偉利( Willy)陪住她度過難關。正當她剛從喪母之痛恢復過來,本刊最近卻發現關菊英連日憂心忡忡地在東區醫院出現,據知是照顧其年約八十的患癌父親。

多年來,關菊英鮮有提及其父,原來關父一直不欲她入娛樂圈,縱使女兒極盡孝道,其父卻固執,父女之間一直有條刺。直至關父身患重病,加上關母年初逝世,關菊英和父親接觸多了,日日探病之外,更親自為父親餵飯及扶上扶落,父女才打開心結,重新修補關係。

其他影片

54歲的關菊英於 9月初多次出現在東區醫院 F5內科病房,每次現身都戴上口罩,一入病房就洗手消毒,然後在私人看護及親友協助下,照顧父親的起居飲食。關父行動不便坐輪椅,不時需要關菊英扶上扶落。

「入得呢個病房都係癌症病人。之前差唔多日日都見到關菊英送飯嚟,仲自己落手落腳餵飯同幫爸爸換尿片㖭,睇得出佢好孝順。關菊英請咗私家看護定時定候幫爸爸按摩。」一名探病者說。

其實在早一日( 9月 5日),關菊英已經去過醫院,陪父親傾偈解悶,菊姐專登聘請的私家看護,則為關父按摩。

見父親精神不錯,關菊英妹妹第一時間打手機,向其他兄弟姊妹報喜。

扶起老父

關父飯後坐得唔舒服,關菊英知道後,與眾人合力扶起父親,免得父親頂住個胃。

照顧飲食

9月 6日,身穿黑色運動套裝的關菊英與妹妹戴上口罩,帶住一袋食物到東區醫院 5樓內科病房探望父親。關菊英細心地剪碎食物,服侍坐在輪椅的父親用膳。

嫌菊姐拋頭露面

雖然關菊英終於得到父親諒解,但據知她仍未向父親交代自己與同性密友 Willy的關係,怕父親未必接受。圖片

關菊英 14歲便拋下書包,穿上歌衫四處登台,身邊只有母親照顧,卻少見父親露面。她多年來公開多謝的,只有一直陪在身邊的母親,甚少提及父親。

據知關父當年只是個寫字樓普通打工仔,關母因為要照顧六名子女,並沒有工作,僅靠老公的收入維持生計。直至關菊英 14歲那年得了市政局主辦的歌唱比賽冠軍,之後晚晚登台幫補家計,後來更唱電視劇主題曲成功走紅。

知情者說:「關父好傳統,唔鍾意個女拋頭露面,唔想個女俾人話書都未讀完就去做歌女。不過菊姐慢慢搵到錢,加上佢爸爸鍾意飲威士忌同食煙,身體漸差,所以就算幾唔鍾意都冇辦法阻止。菊姐好少向外提及佢爸爸,都係怕佢唔高興。

「菊姐一直孭起一家八口成頭家,就算之後移民溫哥華,佢都一直照顧家人。但關父固執,所以菊姐做娛樂圈,就始終係兩父女之間嘅嫌隙。雖然菊姐已經請咗兩個工人照顧爸爸,不過今年關母過身,關父身體又唔好,菊姐花更多時間睇佢。接觸多咗,關父終於明白自己唔應該咁執著,父女關係至好番。」

關菊英家庭出現問題,同性密友 Willy除了在關母喪禮上協助打點,近日亦頻頻開解關菊英,鼓勵她積極面對父親病情,又為關父訪尋名醫治療。

關父病情冚密

關菊英剛受喪母之痛打擊不到一年,她年約八十的父親又被病魔蹂躪,但個性堅強的她只是選擇與兄弟姊妹們默默照料病榻中的老父,圈中知道關父重病的藝人不多。不過一致讚菊姐好孝順。

黎小田:唔知佢爸爸入院

「我同佢(指關菊英)好耐冇聯絡,我同佢段婚姻都係三十年前嘅事啦!佢爸爸我見過,不過我唔知佢老人家入咗醫院!」

薛家燕:希望老人家快啲好番

「我都唔知佢(關菊英)有事,佢冇提到,希望老人家快啲好番啦!我知道關菊英份人好孝順,尤其對佢阿媽更加事事上心,但好少聽佢提及爸爸!」

譚炳文:佢爸爸病咗好多年

「好多年前我都間中有同關菊英一家人食嚇飯,近幾年我健康都麻麻,所以都好耐冇見啦!我知佢爸爸一向比較多病痛,都好多年㗎啦!關菊英好孝順㗎,佢對個老竇都好好㗎!」

菊姐:「請看護照顧阿爸」

近日本刊收到消息,指關父已經轉到香港防癌會賽馬會癌症康復中心休養。 10月 24日,關菊英如常探望父親,但對父親病情不欲多談。

記:早前見你成日去東區醫院探病,係咪爸爸有咩事?

關:唔好意思!

記:病人係咪你爸爸呀?

關:係呀。唔好意思,冇咩事呀依家,依家好番好多喇!

記:聽講你請看護照顧爸爸?

關:係呀。

記:係咪使咗 6位數字醫藥費?

關:唔好講呢啲嘢啦。

關菊英對父親病情封口,無非是尊重老人家。希望關父在關菊英悉心照顧之下,逐步康復!

不欲多談

上月( 24日),關菊英乘保母車到賽馬會癌症復康中心探父親。關菊英承認是探望其父,對於是否付 6位數字醫藥費,關即說:「唔好講呢啲嘢啦。」

《蘋果日報》圖片

關菊英侍母至孝,不時被傳媒發現和母親食飯。今年初關母逝世,關菊英頓失精神支柱,但卻造就父女更多緊密接觸,關係轉好。

關菊英 9月 6日探病時巧遇馬海倫,關菊英妹妹亦有同她打招呼,原來馬海倫同關家姊妹熟稔。本刊截稿前未能聯絡馬海倫查詢關父病情。

關菊英在六兄弟姊妹中排行第四,上有兩姐一兄,下有一弟一妹。一家人最大的娛樂,是爸爸拿著心愛的相機為子女們拍照留念,所以全家福往往唔見父親。

月花十萬醫父

關菊英父親近期入住的「香港防癌會賽馬會癌症康復中心」,是專為癌症病人提供中西合璧的醫療方法,以及為其家人提供支援服務。關菊英除了為父親支付住宿費外,亦聘請私人看護照顧父親。康復中心會為入住院友提供一站式服務,估計關菊英每月要花近十萬元住院連醫藥費。

該中心位於黃竹坑,環境清靜,適合靜養。

豪華單人房設有套房浴室、衣櫃、獨立電視、雪櫃、電子夾萬等設施,另外設有梳化牀供家人留宿。

每月費用:

豪華單人房:$54,520

加護費:$5,000

復康治療:$4,800

中西醫應診:$7,200

私人看護:$25,000

合共:$96,520

其他影片


鍾意就快D Share啦!