掃呢頁CODE去手機

2013年11月21日 星期四

謝霆鋒又睇鋪 四哥拉姑風騷 拉姑,謝霆鋒,霆鋒,謝賢,四哥,狄波拉,M1,




拍拍嚇戲走去開公司做電影後期,永遠估佢唔到嘅謝霆鋒,又有傳會幫國內電視台做教煮食節目,今次同老外去 ifc睇鋪睇到笑曬,又有新動作。

同你吟一吟

謝霆鋒又睇鋪 四哥拉姑風騷

有圈中鋪王之稱嘅謝霆鋒, 05年開始響擺花街買鋪,先後用咗兩億幾入咗五個鋪,每月單係收租,已經超過 30萬。

早排《壹》仔仲撞見霆鋒孖住個鬼佬現身中環 ifc,由商場職員帶住,四圍睇鋪位。當時已經差唔多近七點,西裝襯黑超, chok過老豆謝賢嘅霆鋒同鬼佬雞啄唔斷,笑容滿面,似乎相當滿意,之後仲去咗商場嘅露天餐廳, join埋另一個鬼佬同女人飲嘢,坐低慢慢傾。

霆鋒既係 CEO,又要做演員拍戲,目前身在紐約嘅佢,正同高圓圓拍新戲《一生一世》,身為父母嘅四哥同拉姑,可以繑埋雙手享仔福!拉姑得閒無事就去名店 shopping,至於四哥,平日除咗健身 keep fit,耐不耐都會同朋友去置地 high tea吹水,如果兩老兩粒孫仔,唔係俾阿媽張栢芝閘住咗,拉姑同四哥,仲多節目囉!

睇完鋪,霆鋒去上落客區搵司機攞番份文件,之後再坐低繼續傾生意。

黑超家族

霆鋒愛戴黑超,阿媽拉姑亦唔例外,早排佢一個行 ifc連卡佛,黑「媽媽」照樣睇到手袋同靚衫。

已經 77歲,黑超四哥約老友去置地飲 tea,一身造型同打扮,望落比同行友人後生超過十年。



鍾意就快D Share啦!