最佳最差女主角 MW,

媽咪姐

最佳最差女主角

第 50屆金馬獎頒獎禮於上周六（ 11月 23日）圓滿結束，出爐影後章子怡係當晚嘅大贏家。不過單論 fashion方面，媽咪姐喺 5位候選女主角中，特別欣賞大 deep V舒淇，最唔鍾意反而係「後生扮成熟」嘅顏卓靈。冇辦法啦，第一次踏紅地氈，係要交啲學費嘅！

舒淇性感到密實　 Valentino 2013秋冬晚裝

舒淇上身酒紅絲絨大 deep V好搶鏡；下身配上海洋主題金色織錦，高貴帶點活潑，隆重又性感，加上暗紅唇膏及復古髮型，可以話係當晚最靚嘅女星！

Valentino 2013秋季紅裙

舒淇以另一襲紅色長裙上台頒獎，雖然性感程度比紅地氈嗰套弱好多，但領口，手袖紅白強烈對比，好搶鏡。裙中央加上褶位，充滿立體感，整體效果不俗。

顏卓靈後生扮成熟

憑《狂舞派》一躍成名嘅顏卓靈，以單膊銀色長裙上陣。裙本身剪裁簡單寬闊，好難 carry得好，尤其顏卓靈只得 19歲，晚裝加上土氣髮型，似乎令 19歲嘅佢太過成熟。加上晚裝一早被英國女星 Tilda Swinton著過，俾人飲咗頭啖湯，點都係輸蝕啲。

Lavin銀色長裙

Tilda Swinton於今年 9月 Deauville American Film Festival上，著上同款長裙。向來係 fashion icon嘅 Tilda都著到咁，顏卓靈又點會著得好？

鍾意就快D Share啦！

下一篇 》