掃呢頁CODE去手機

2013年11月27日 星期三

嫁得好 應采兒送馬鞭  Yumiko辣招御富夫 應采兒,Yumiko,MF,




拍拖 8年, Yumiko正式簽紙成為梁太,但她坦言感覺不是太大,因為一早已視 Andy為親人。

真面目

嫁得好 應采兒送馬鞭  Yumiko辣招禦富夫

拍拖 8年,上週五( 22日), 32歲 Yumiko鄭希怡和名化妝師兼餐廳老闆男友梁學儲( Andy),終於在蘇梅簽紙完婚, Yumiko正式成為梁太。不過這次只是 pre-wedding party,沒有上頭儀式、沒有開門利是, Yumiko還笑言未收到禮金。

Yumiko一向大頭蝦,好姊妹應采兒、黃伊汶早了兩天飛到蘇梅,替她打點和作心理輔導,把陳小春搞得貼貼服服的應采兒,除了傳授生 B秘訣和禦夫術,更送贈好姊妹馬鞭一條,唔通小春都捱過幾鞭?

點解要揀 1122這個日子? Yumiko說︰「冇意思㗎!貪好記囉!」 Yumiko和 Andy就是這樣隨性的人,不喜歡跟傳統,今次雙方父母都沒有飛到蘇梅。「今次只係一個 party,係 Andy嘅一個承諾,因為拍拖第一次去旅行就喺呢度,佢話過結婚要嚟番呢度。」唔怪得 Yumiko話男人最緊要有信用。

三姊妹只有黃伊汶未婚,應采兒除了教生 B外,更送上一條禦夫馬鞭(小圖)。

Yumiko穿上陳華國度身訂做的婚紗,配襯古董喱士頭紗;而當晚新娘的化妝,當然由老公的旗下化妝師負責。

8年前被拍得在東京旅行令戀情曝光,原來再之前兩人已拍拖遊蘇梅,今次婚禮是重遊定情之地。圖片

未行到上台, Yumiko看到一班好朋友已忍唔住喊,婚禮完成後,她和 Andy在蘇梅留多幾日,她說當是度蜜月。

「唔聽話就鞭佢」

簽紙儀式本打算在 5時舉行,剛好日落時間,在泳池旁行禮好有 feel,但當日下午忽然下大雨,一直在房間化妝的 Yumiko開始急起來,黃伊汶和應采兒(丁丁)就走入房緩和氣氛,不停咁話︰「嘩!個天開始藍喇,就停雨喇。」

為了分心,三位好姊妹開始傾心事,已為人母的丁丁大談生 B方法, Yumiko說︰「佢有好多鬼馬方法,今年已經唔畀我食大閘蟹同飲凍嘢,嚟緊開始睇中醫調理。不過佢最厲害當然係禦夫,你哋睇嚇小春𠵱家幾乖!丁丁同班 friend送咗一條馬鞭畀我,佢( Andy)一飲醉酒又或者唔聽話就鞭佢,哈哈!丁丁仲話做老婆一定要睇住頭家,不過我老公同小春好唔同,丁丁比較鍾意 take care人、我就比較受保護嘅。」 Yumiko化好妝,外面啲雨還沒有停,儀式延遲到 6時多才舉行。

婚禮過後,當然有 after party,主人家和眾賓客都換上「彩裝」, Yumiko更一身螢光亮相。她說來到蘇梅可以性感一點,反而新郎 Andy就很隨意。

黃伊汶和應采兒的造型一啲都唔 hea,不過比起 Yumiko就密實咗少少。

香港補搞婚禮

Yumiko揀了曲婉婷的〈 Drenched〉做進場曲,音樂響起, Yumiko從樓梯一直行,戴上喱士面罩的新娘,見到幾十位最好朋友,齊齊穿上白色飲衫, Yumiko開始忍唔住喊。

一對新人上台,新郎 Andy一向不多說話,還拜託不要寫出他發表的「愛的宣言」, Yumiko說︰「他一向都係少說話,但今次我都唔係咁多嘢講,我哋相處太耐喇,一早已經係屋企人!其實,做咗人老婆之後,除咗隻手多咗隻戒指,感覺唔係太大分別,但我知道要開始學做一個好老婆。」在蘇梅擺酒,晚宴都是地道泰國菜,所以頭盤不見有乳豬,反而是泰式炸蝦餅。整晚亦沒有敬酒儀式,因為一開始大家已喝個不停,新郎 Andy中途已半 high,突然拖住 Yumiko走出泳池邊,隔了一陣,長達 10分的煙花表演開始,原來 Yumiko事前並不知道。

嫁得好老公, Andy是阿 Zing第一代高徒,自立門戶之後現手上不少紅星客仔,如周迅、梁詠琪、 Twins等,去年更成立 D-mop beauty;而 Andy亦是幾間餐廳的老闆。問 Yumiko收了多少禮金,她說︰「未喎!哈哈!其實下年先會搞個正式婚禮,返香港又要開始睇場地喇!」

徐濠縈都有出席 Yumiko的婚禮,在 after party被畫到成身螢光油彩。

Yumiko說出席的都是兄弟姊妹,相識多年,好似葉佩雯、劉浩龍和梁烈唯等,而花球最後由杜如風接到。

120萬癲玩 3日

Yumiko和 Andy在蘇梅的五星 ShaSa Resort包場三日,豪使 120萬,包括 80位客人住宿、第一晚以夏威夷為主題的 welcome dinner;第二晚的婚宴、煙花表演,最後以螢光 after party埋尾。

噴火表演

婚宴兩旁都是泳池,一對新人請了一隊馬戲表演高手在婚禮期間表演噴火、跳火圈等,非常熱鬧。

戶外搭台

簽紙和宣誓儀式在戶外舉行,前一天已搭好白色帳篷,晚上在酒店外圍掛上燈籠,雖然天氣不太穩定,但仍無損一對新人和賓客的心情。

螢光化妝

出發前, Yumiko已叫出席好友一定要帶一套螢光衫,她更在當地請了兩位專畫螢光化妝的師傅,為一眾客人化妝。



鍾意就快D Share啦!