掃呢頁CODE去手機

2013年12月19日 星期四

[壹週刊 1241] 左麟右李尾場 阿姐發爛渣 左麟右李,譚詠麟,汪明荃,阿姐,李克勤,M1,




汪阿姐去睇左麟右李,勢估唔到自己會成為壓軸爛 gag嘉賓。

同你吟一吟

左麟右李尾場 阿姐發爛渣

日加夜共十三場嘅《左麟右李十週年演唱會》,星期日晚(十二月十五日)唱到最後一場,席上嘉賓包括有汪阿姐、曾華倩、黃偉文、阿叻秀姑、殼王夫婦等。

左麟右李開騷,當然唔少得搞嚇爛 gag,阿倫話以前會搵阿姐做顧問,因為啲爛 gag如果阿姐都識笑,觀眾實鍾意,台下阿姐即刻投訴點解今次唔搵佢?阿倫腦筋急轉彎:「因為克勤搬咗(以前克勤同阿姐係鄰居),同埋你屋企成日俾人打劫。」

講中死穴,阿姐於是轉話題,叫坐旁邊嘅 Wyman黃偉文評一下左麟右李舞台服裝,唔識死嘅 Wyman居然冇厘反應,阿姐馬上叉腰咆哮:「你起身好唔好呀,我而家同你講嘢呀!」

Wyman呆咗五秒,好在兜得到:「今晚大家可以見到汪明荃嘅黑暗面,好明顯佢有啲嘢想講,但又唔好意思,阿姐其實妒忌你兩個今晚咁靚。」再俾人過多棟,阿姐老貓燒鬚,惡都冇用。

阿姐叉起條腰喝 Wyman企起身,台上阿倫笑騎騎,見慣風浪嘅 Wyman都呆咗陣先識回魂。

克勤話大仔問佢咩叫「路姆西」,搞到佢口啞啞,轉個頭,就有歌迷送「路姆西」俾阿倫。

有阿倫,當然有阿叻,不過佢唔係嚟表演響紅館跪返屋企,而係爭咪唱《忘不了你》。

同場加演霍建寧好跳得

台下嘉賓,仲有阿倫波友「殼王」陳國強夫婦,以及有「超級打工皇帝」之稱嘅霍建寧同佢太座,當左麟右李叫大家一齊起身跳舞,霍建寧叉腰又扭腰勁玩得,反而殼王同殼王嫂就比較怕醜。



鍾意就快D Share啦!