霆鋒回應戀 JM直接否認， JM講霆鋒就極有遐想：「係好朋友囉！我行內有好多好朋友。」
封面
失戀失業賣醉 霆鋒散玩 JM一個月即撇
謝霆鋒和張栢芝離婚 2年多，但工作狂霆鋒甚少近女色，身家逾 8億的霆鋒，只與周迅傳過嚇緋聞，近日再被爆與女神文詠珊 JM撻著；據可靠消息，其實被爆二人交往時，兩人實情已經分手，由認識到分手亦只維持 1個月，近期 JM多次被影到賣醉，全因借酒澆愁。
與黎明約滿之後，據知一向錢行先的 JM，主動放聲氣轉會，諗住拖住霆鋒可自抬身價，如今極速被飛，面對雙失， 25歲 JM真係要諗諗計補飛。
鋒與 JM本身大攬都扯唔埋，因一個 party而令關係曝光；據知跟霆鋒搞製作公司的拍檔楊文傑，上月在中環一間米芝蓮法國餐廳慶祝生日，當晚 JM以霆鋒女友身份出席，不過由後門出入，關係仍屬萌芽階段。
「爛桃花」寸霆鋒
據知兩人拍拖期間，單獨見面的次數不多於 5次，加上霆鋒的電影事業製作公司如日方中，根本未有心穩定感情，兩人拍拖 1個月就無疾而終，一心以為可以跟死敵 Angelababy一樣搵個紅星倚靠北上，可惜如意算盤失敗。
不料分手後始爆出二人拍拖，雖然男女主角例牌否認，但 JM身邊朋友透露︰「 JM一向拍拖都好小心，同霆鋒就更口密，好多都係分咗手先知，平時 JM飲醉好有分寸，但呢排真係醉得勁。」上月 19日， JM出席 I.T 25周年 party，在 VIP區狂隊香檳，未夠 1粒鐘就已經爛醉，仲畀餘文樂醉攬；事後 JM出席活動口快快講錯嘢，她說︰「唔係桃花，係爛桃花！」據知當日 JM馬上跟餘文樂請罪，但 JM口中的「爛桃花」，所指的卻是霆鋒。
翻兜富二代前度
箍唔住霆鋒， JM即時轉 plan，本月有人見到 JM在前度衞以德何文田住所出入， JM手上件件筍盤。
衞以德在英國大學畢業成績優異，熱愛運動又係籃球健將，家族經營製衣廠。貴為富二代，衞以德亦有諗頭，與好友合創 high-end時裝品牌「 J.E.W.D」。不過感情瓜葛拍得住霆鋒，曾經與何超盈孖住夜蒲傳緋聞、又傳搭上唐貝詩搞到超盈同唐貝詩反目，隨後再被拍到與唐貝詩胞妹唐貝欣後巷濕吻，好亂囉。
一家團聚
失戀賣醉
本月初，甚少夜蒲的 JM又出動夜蒲蘭桂坊 Volar，玩到大約三點幾，醉到行唔到路的 JM，被友人大褸蒙頭扶上的士，冇曬形象！上週六（ 14日）， JM相約女友人飯聚，其間愁悶不停呻，雖然兩人冇飲酒，但餐飯食足 3粒鐘， JM真係好多心事。
失戀已經慘， JM仲面臨失業，據知她與黎明打骰的經理人公司百仕活早已在今年中滿約， 4年前放風轉會冇人要，得黎明睇中收歸旗下，如今黎明對續約甚有誠意，但 JM拖字訣唔肯續約，原來她早知霆鋒在內地準備成立一間經理人公司，更已簽下來自內地綜藝節目《快樂男聲》的歐豪， JM本來有望做老闆娘兼有靠山唔使愁。知情人士說︰「霆鋒講明會簽 2男 2女，同 JM拍拖時都有研究過， JM又係自由身，梗係想靠霆鋒開拓國內市場，不過分咗手，應該都係不了了之。」
大靠山冇咗，但據知 JM揀新公司卻堅持要先收錢再簽約，面臨雙失， JM卻重蹈覆轍，只識向外放聲氣𢱑撈，據聞杜琪峯和林小明都有接觸過，不過，都係嫌貴囉！
據悉 JM與百仕活滿約後，曾經獲杜琪峯旗下的海潤及林小明旗下的寰宇洽談，不過有人開價過高嚇走兩位老闆。
進取姐妹
JM一直同舊愛李冠峰分分合合，直到今年才有新歡出現。相比昔日姐妹 Angelababy同識落十年的許亦妮，算專一囉！
許亦妮 強覓富豪
選港姐期間已經係是非精兼緋聞之後，選完港姐更惹火、更目標為本，緋聞對象個個猛料，《喜愛夜蒲 3》開拍前，先搭上霍啟剛老死、再傳富三代詹勝，開拍後又登上老闆盧啟邦超級跑車，積極覓食。
|
鍾意就快D Share啦！
|
|
|
