掃呢頁CODE去手機

2013年12月18日 星期三

[FACE 343] 始源超級貓紙 MF,




為咗可以用國語介紹自己角色,始源當日準備定貓紙狂咪,而貓紙內寫上拼音,等佢唔會讀錯。

FBI

始源超級貓紙

靚仔基本上企喺起跑線上已贏咗你半個身位,如果再勤力埋真係唔得了。講緊係 Super Junior成員崔始源。為打開亞洲市場,尤其係大中華,始源入行以來都苦練國語同英文。上週二( 10日)由張家輝、張震及始源等主演嘅《赤盜》喺澳門舉行記者會, FBI見始源喺台上同張震、張家輝有講有笑,溝通似乎冇乜問題,而佢接受記者圍訪嗰陣,仲有部分係用國語回答。

FBI八卦望嚇始源手掌上張「貓紙」啦,發覺喺用中文預先寫好嘅答案上寫咗唔少拼音,內容都係介紹自己喺戲中嘅角色。即係咁,始源其實大可以講韓文再等翻譯員幫佢翻譯,不過佢都情願自己努力啲記住發音再用國語答記者。所以 FBI成日話呢個世界冇免費午餐,始源咁受歡迎,佢背後真係付出過好多努力。

查實始源啲國語已講得唔錯,但佢同張家輝及張震溝通嗰陣,都忍唔住用曬身體語言「幫手」,好鬼勤力。



鍾意就快D Share啦!