2013年12月2日 星期一

封殺令禍及生意 徐淑敏與TVB解約 徐淑敏,TVB,

video


封殺令禍及生意 徐淑敏與TVB解約

封殺令禍及生計 Suki同TVB解約

現年29歲的徐淑敏(Suki)於09年下嫁富商黃浩,婚後育有兩個可愛女兒,Suki不止一次透露有意退出娛樂圈,繼而從商,但一直只聞樓梯響。最近壹傳媒遭無綫無理封殺,連累Suki上周四為其創立的SÈVE護膚品牌舉行一周年慶祝活動無機會見報宣傳,據悉無綫曾要求Suki不要邀請壹傳媒到場採訪,令Suki左右為難。



■Suki因封殺事件,令護膚品牌曝光率減低,她大嘆無奈。資料圖片

直認「好揼心」

Suki與傳媒關係一向友好,為助其生意發展,她痛定思痛決意與無綫提前解除經理人合約。據悉雙方仍有四年約,早前Suki主動要求解約,老公黃浩當然全力支持,不介意出錢幫老婆回復自由身。

記者昨日致電Suki,她有點為難說:「都仲係嘅(無綫藝人)。」不過她承認已傾談解約事宜,但否認封殺事件是導火線,她說:「唔係,我講咗要求後先發生呢件事,𠵱家處理中,老公都好支持,主要係想做番自己business,覺得可以方便啲,我又唔係話特別有興趣做幕前。」

至於是否全面退出幕前演出,Suki說:「退出呀,如果可以幫到我啲生意嘅話。」是否介意壹傳媒沒有採訪?她直認:「係呀,好揼心,上個禮拜搞一周年,請日本名模藤井Lena嚟好貴,𠵱家無奈㗎,從商業角度梗係想多啲報道啦,唉,唔知點講。」



■日本名模藤井Lena上周四來港,為Suki的護膚品牌一周年慶祝做嘉賓。



■Suki在網上創立SÈVE護膚品牌,自言口碑不錯。資料圖片



■黃浩前日淩晨輕攬太太Suki纖腰,全程有外籍保鑣保護。

全心做商人

問Suki解約金額多少時,她說:「我哋好和平咁處理緊,其實佢哋有工作搵我,例如做節目嘉賓我都OK,就算之後解咗約,我都唔會去其他電視台,佢哋幫咗我咁多,我目的唔係要去其他電視台發展,只係想做個商人。」黃浩早前以二億元收購免費報章《都市日報》,做新晉傳媒大亨,Suki當然不志在電視台的「雞碎」人工。

此外,前日淩晨,Suki與老公現身中環蘭桂坊,穿上淺啡色乾濕褸的Suki騷修長美腿,不知是否Suki有點累,她邊行邊用手托住下巴,老公黃浩則攬住其纖腰,表現恩愛。兩人全程由兩名外籍保鑣護送,之後在鏞記附近上車,黃浩先安排車輛接送朋友,之後再與Suki乘坐七人車離開。

採訪、攝影:嵐山、吳耀輝、潘冠恩

足本收睇《亂噏24》謝安琪;肥螳螂王晶接力上場!

周一至周五約定你《亂噏24》:http://bit.ly/appletalk24



鍾意就快D Share啦!
Related Posts Plugin for WordPress, Blogger...