掃呢頁CODE去手機

2014年1月17日 星期五

[忽然1周 964] 林文龍 冧死「 林文龍,MW,




錫極唔完

小琳琳(小圖)錫完面珠、又話要咀嘴,仲賣口乖讚「爹哋」靚仔,林文龍話:「佢真係識做戲,我都跟佢學緊嘢!」

媽咪姐

林文龍 冧死「𡃁」模

林文龍同艾威最近接拍港台劇集《醫護人生》。其中一個講南丫島海難嘅單元,劇集無重拍災難場面,反而拍災難控制中心主管艾威、救人主管醫生林文龍救完人,返到屋企自責救唔曬所有人嘅內心戲。

劇情沉重,不過林文龍同 5歲嘅小演員琳琳喺片場玩到癲,琳琳賣口乖:「我覺得文龍哥哥好靚仔。」佢臨走狂錫文龍哥哥,錫完面又要錫嘴,搞到文龍成面口水。媽咪姐喺現場同文龍及艾威講起港視被 TVB追住打,文龍大嗌:「好煩唔想理!」艾威更加係字字有骨落地!

琳琳話將來志願做「𡃁模」,文龍爸爸即刻話唔好:「做 model好啦,𡃁模唔係好嘢嚟㗎!」慈父上身。

勁寸寶安

艾威呢個「災難主管」同大仔有溝通問題,由災難片引申親情。而艾威一提起六叔離世,就好慨嘆話:「如果六叔睇緊 TVB,就唔會發生咁多事,佢鍾意百花齊放。」問到會否到追思會?佢就話:「我諗啲保安唔俾囉!(要出動保安?)係個人(李寶安)呀!」



鍾意就快D Share啦!