全城熱爆的娛樂八封新聞 & 時事趣聞 & 生活 + 趣聞
原本拍一次咀戲，導演就收貨，不過途人係咁用閃光燈影相，最終咀咗 3次，即係迫心悠吸足 3次二手煙！
劉心悠近日忙拍電影《奇緣灰姑娘》，同鄭中基有唔少對手戲，媽咪姐八卦，探過幾次班。好似上星期六（ 18日），佢哋喺中環拍外景，吸引唔少人圍觀，搞到拍 kiss戲時，因為途人用閃燈影相，最終拍咗三次導演先收貨。
媽咪姐當日都喺現場，覺得心悠演得唔錯，不過鄭中基就有啲唔專業囉，事關佢拍咀戲前仲煙駁煙，又唔𡁻香口膠，成口煙味，真係難為心悠 BB啦！
10/1 喺等埋位期間，媽咪姐見到鄭中基身邊有個熟口熟面嘅男人。噢，原來係那些年同小雪合唱〈其實我介意〉而彈起嘅漢洋。今次佢擔任電影出品人，仲親自探班，好用心。
心悠 B B同鄭中基之前喺上水拍外景，嗰日得十幾度，難為心悠 B B仲要著短袖！
16/1 凍親心悠 BB
另一日外景，又係得十零度！埋位前，心悠喺保母車內，用件羽絨褸包住自己，因為佢著嘅戲服好單薄，怕凍親囉！
18/1 BB忍臭對咀 拍咀戲前，鄭中基不停吸煙，煙癮都幾大！女細老婆嫩，快啲戒啦。
拍完咀戲，心悠即補唇膏，反而鄭中基立即飲茶，睇 playback時繼續扯煙！
