掃呢頁CODE去手機

2014年1月29日 星期三

[壹週刊 1247] 買扒做司機陪放狗 半百曼玉執樣收𡃁入屋 M1,




有了愛情滋潤的 Maggie,不時嘴角含春,笑面迎人。

娛頭

買扒做司機陪放狗 半百曼玉執樣收𡃁入屋

即將踏入五十歲的張曼玉,前年宣布同德國籍建築師男友 Ole分手,甩拖無滋養,成個走曬樣!無拖拍, Maggie寄情夾 Band唱歌學剪片,一向戀愛大過天的她,最近終於搵到寄託。

貫徹 Maggie過往口味,新男友繼續外國人優先,但年紀只有三十歲出頭,足足細過 Maggie二十年,近乎母子戀。

為了同嫩口男友拉近年齡距離, Maggie從外表着手,除了打扮刻意年輕化,連個樣都變埋,皺紋無曬,仲多了一份少女氣質「蘋果肌」。

其他影片
  • 近睇曼玉 Baby Face 實質硬膠蘋果肌
差距廿年

多次表示要暫停幕前演出的 Maggie張曼玉,近年努力學唱歌學捽碟再學剪片,由銀幕影後變成音樂狂熱分子,甚至在音樂世界搵到第二春。

自從一二年同拍拖五年德籍男友 Ole分手後, Maggie立即搬離北京愛巢,返英國定居。直到半年前才回流返香港,曼玉三遷,只為見多新男友幾面。

「 Maggie同新男友大半年前喺香港識,佢哋有共同嗜好,大家都鍾意玩音樂,因為傾得埋,所以成日見面,最初 Maggie對佢都冇嗰種 feel(愛情),淨係當對方係普通朋友,始終年齡相差太大,不過個男仔追佢追到出面, Maggie最終衝破障礙,開始發展忘年戀。」 Maggie身邊人說。

週日(一月二十六日), Maggie同男友又出動放狗,當記者問到她與男友拍拖問題, Maggie笑笑口十問九唔應,男友更怕醜彈開,但有外國途人問她點解會有記者影相, Maggie即笑曬向他們表示:「 That's my boyfriend!」

26/1 笑住認男友

放了一個鐘頭狗, Maggie將狗仔交俾男友,由男友負責抱住,她就做司機,一齊返回寓所,當日再沒有出街。

受到男友影響, Maggie養了隻狗仔,兩人經常一齊拍拖放狗,而鬼仔個樣睇落有啲似梁榮忠。

鬼仔警覺性極高,不時四圍望,怕被人發現他們拍拖。

行到人少地方,兩人會減少避忌,行得埋啲。

之前 Maggie同男友 Ole經常出雙入對,她為了遷就對方工作,更搬到北京定居,但前年結束五年情。

低調戀情

為了保護新戀情,貴為富婆級影後的 Maggie,棄用平日代步的七十萬 Audi房車,問細妹借來一部九○年落地、舊款日本三菱吉普車出入,以免張揚。

因為音樂, Maggie搵到新戀情,她更受男友影響,變成愛狗族。在家中養了一隻白色 Poodle的 Maggie,上星期同男友拍拖到淺水灣放狗。當日下午四點四十五分, Maggie揸住吉普車由南灣屋企出發,男友抱實小狗,一起到淺水灣麗海堤岸路步行徑,拍拖、散步兼放狗,享受免費浪漫。

21/1 親自下廚

為了箍實新仔, Maggie更要到超市買扒,親自下廚。

沒有工人幫手, Maggie要親手將三大袋物品搬上車。

Maggie除了打扮變得少女外,連電話殼都用上鮮色波點圖案,少女味極濃。

18/1 影後要執屎

間中 Maggie都會獨自去放狗,貴為「國際影後」,她都會落手落腳幫愛犬執屎。

呈現膠面

鬼仔男友已經可以登堂入室,寧願拍拖唔接 job的 Maggie,更變身家庭主婦。上星期二(一月二十一日)獨自到淺水灣超市買扒煮西餐,下廚餵飽男友。

雖然愛情滋潤可以令人回春,但畢竟 Maggie仲有幾個月便踏入五十歲,歲月留痕避無可避, Maggie一於走捷徑,半年前開始在面上逐步加工,除了面部皮膚突然變得緊緻,面頰兩旁更再度發育,出現又硬又挺「蘋果肌」,變成少女 baby face。

19/1

Maggie約了黃耀明到四季酒店食飯傾音樂,沒有載男友,她即揸回 Audi坐駕。

積極買樓

當日為了前男友 Ole, Maggie搬到北京長住,今日回流香港搵到新目標, Maggie專心拍拖同時更積極投資物業。本月中,有消息指她以四千一百八十八萬,買入小西灣藍灣半島一個極高層相連單位,平均呎價要三萬零二百八十二元,創下屋苑新高。多年來 Maggie對該屋苑情有獨鍾,在一一至一三年間,先後花四千萬買入四個單位,其中一個單位是供家人入住。

除了住宅, Maggie亦拍住老友張叔平,一齊夾份炒工廈,去年用了二千五百多萬買入柴灣兩個工廈單位,無論愛情抑或炒樓,同樣勇於投資。

去年十月 Maggie出席活動時,突然回春變靚,面頰出現豐滿「蘋果肌」。

近年唔拍戲的 Maggie轉玩音樂,更公開上台唱歌。

回流返港後, Maggie都有約番以前的老友一齊食飯,早前就同阮兆祥、上山安娜同吳啟華打邊爐。

Maggie特別鍾情藍灣半島,最近又用了四千萬買了一個近千四呎單位。

國際口味

隨着事業衝出亞洲,進軍外語片大銀幕, Maggie就連揀老公搵男友,口味同樣國際化。

法國導演 Oliver Assayas

96年,張曼玉接拍法國電影《女飛賊再現江湖》,與法國導演 Oliver Assayas撻着, 98年在法國結婚並移居當地; 02年, Maggie突然單方面宣布離婚。

(《忽然 1周》圖片)

Guillaume Brochard

失婚後,張曼玉火速搭上結過婚有細路的法籍珠寶商 Guillaume Brochard,更被踢爆在對方寓所過夜; 04年,二人雙雙到葡萄牙睇世界盃,被傳媒拍得在酒店泳池鴛鴦戲水, Maggie興奮到飛 bra露點,兩人最終在 07年分手收場。

Ole Scheeren

戀上細自己 7年的德國建築師男友 Ole Scheeren,為遷就對方工作, Maggie移居北京,二人拍拖期間,不時結伴出席公開活動; 09年一度傳出婚訊,至 11年,有指 Ole在北京另結新歡導致分手。

走捷徑

歲月催人! 1983年港姐亞軍兼最上鏡小姐的張曼玉,經歷過失婚失戀,加上愈老愈瘦,要回春,唯有走硬膠面捷徑。

83年

參選港姐入行的張曼玉,同時奪得亞軍及「最上鏡小姐」,一對可愛兔仔牙,更成為她的標記。

88年

事業第一個高峰期,拍《旺角卡門》時 Maggie減肥成功,包面消失,加上箍走兔仔牙搣走可愛味,淡妝一樣索。

00年

36歲的 Maggie主力進軍國際市場,舉手投足散發巨星風範,剛為人妻的她容光煥發,皮膚依然白白滑滑,有彈性。

06年

踏入 4字頭,失婚 Maggie開始迷上醫學美容,膠面初現。

12年

經歷三次情傷, Maggie暴瘦變成火柴人,加上一頭乾旱長髮,非常嚇人。

13年

即將踏入 50歲的 Maggie全面硬膠化,說話變得全無表情。



鍾意就快D Share啦!