同你吟一吟
田蕊妮掩護大肚阿雅
上個禮拜四（二十三日）下午，《壹》仔喺銅鑼灣見到新科視後田蕊妮同一位面圓身又圓嘅大肚朋友行利園。見到記者，大塊田自動報料：「我上樓上飲茶之嘛！」佢身旁個朋友，全程頭耷耷，扯住大塊田衫尾跟住行。
其他影片
等𨋢期間，大肚婆行埋一邊背住鏡頭，平日見到記者似開籠雀嘅大塊田，唔知點解突然口窒窒：「（過年會唔會出外玩？）會……喺香港嘅……開工囉！」𨋢到，大塊田嗱嗱聲同《壹》仔講拜拜，大肚朋友就打橫攝入𨋢，保持背鏡。
其實唔使左閃右避！《壹》仔一眼就認出大肚婆係大小 S閨中密友、台灣藝人阿雅柳翰雅，同大塊田飲完茶第二日，台灣傳媒就爆出阿雅同拍拖六年嘅美籍華裔男友 Tony未婚懷孕，因為未夠三個月，喜訊暫時唔可以公布，但阿雅媽咪因為有孫抱太興奮，同記者爆響口個女有咗，仲話 BB出世前兩個會盡快註冊結婚。
唔怪之得大塊田咁緊張啦，原來身邊有個不能說的秘密！
|
鍾意就快D Share啦！
|
|
|
