全城熱爆的娛樂八封新聞 & 時事趣聞 & 生活 + 趣聞
自從俾人發現同「 Figer王」 Eric So蘇卓航同居，王菀之索性打蛇隨棍，將戀情公開，順便澄清自己唔係第三者， Eric同前女友杜如風分咗手，佢兩個先開始。
傳聞二人拍咗拖三個月都冇，安全期未過已經升華做同居男女， 34歲王菀之恨嫁之心好明確，之前《壹》仔仲見到佢去九龍塘又一城行書店，狂咪烹飪書。如其出街拍拖撐枱腳使，不如留番喺屋企煮飯仔，王菀之又可以乘機展示廚藝，分分鐘有機會嫁得出做蘇師奶。
冇化妝，頂帽笠到落眼，王菀之全黑 look行書店，去到烹飪書類，見佢逐頁睇又企又踎，好認真。
拍賀歲片《金雞 SSS》，王菀之豁出去，俾飾演富二代嘅湯駿業摸胸，大家都係好姊妹， Eric So應該唔介意。
