細心嘅發哥做完梁 Gi水泡，又提議謙仔脫咗眼上粒癦，好有大佬風範！
同你吟一吟
發哥叫謙仔脫癦
試想嚇，為咗宣傳《大鬧天宮》同《澳門風雲》兩部賀歲片，發哥要十日之內北京、澳門、香港巡迴飛，其中北京、香港站仲係連續兩日，密密見，邊得咁多嘢噏呢？
偏偏發哥做得到，就算八珍，都隔期又嚟過。上星期日（一月二十六日），《大鬧》首映，發哥、宇宙、城城、嫦娥梁詠琪外，仲有後輩例如做哪吒嘅鄭家星，同喺戲中跟孫悟空一樣係菩提老祖徒弟嘅羅仲謙、汪圓圓。
是日發哥無再打搞宇宙，變咗做梁詠琪水泡，影大合照專登由中間位走埋企外檔嘅梁 Gi身邊，話佢老公唔喺度，得自己夠高襯到佢，氹到梁 Gi不知幾 happy，又交到功課俾記者。
照顧後輩，不分男女。發哥擰轉身同企後排嘅羅仲謙傾偈，發覺對方眼瞼位有粒癦，即刻有意見：快啲脫咗佢啦！
面無善癦呀謙仔，聽發哥話啦！
|
鍾意就快D Share啦！
|
|
|
