冇通告，劉青雲會陪老婆外出，等經常屈埋酒店房嘅郭藹明可以鬆嚇。
同你吟一吟
郭藹明做跟得老婆
如果有娛圈模範夫婦選舉，劉青雲同郭藹明肯定係三甲大熱。結婚十六年，從無花邊醜聞，生活中一切，只有對方，好認定。
06年幫亞視拍過《義無反顧》之後，劉太已少有喺幕前演出，唔係冇人搵，更加唔係嫌錢腥，目的好簡單，唔放心另一半。二五話青雲試過抽離唔到角色，加上個人性格又內斂，情緒一度出現問題要睇心理醫生。自此，郭藹明幾乎寸步不離，即使已經冇曬事，佢一樣唔放心，尤其出埠拍戲，例必陪行照顧。早排劉青雲要留喺上海拍羅啟銳部《三城記》，老婆亦有去上海。
夜班通告，郭藹明六點未夠就做好準備，離開酒店出去買外賣，等老公食飽個肚開工。
雖然返大陸做跟得老婆，唔使擔心老公鬼馬嘅郭藹明，大多數留喺酒店等，唔會經常落現場 mon實。婚姻承諾，包含付出，一切以劉青雲為先嘅劉太豈止做足，根本加零六！
|
鍾意就快D Share啦！
|
|
|