阿澤打真軍 超儀老尷
何超儀在4月上映的新片《3D豪情》中，犧牲色相演大膽床戲，監製陳慶嘉形容超儀比第一部《豪情》的趙啷啷演得更放更大膽。超儀扮演過氣妓女，指導被迫頂上男優之位的杜汶澤打真軍。超儀本身演戲經驗豐富，不過拍攝時面對赤裸AV女辰巳唯騎在阿澤身上演情慾戲的一幕，超儀坦言感受到前所未有的尷尬，超儀昨日接受電話訪問說：「當日喺現場拍呢幕戲，真係好尷尬，導演李公樂先做一次畀辰巳唯睇，叫佢跟住做，日本AV女優真係好專業，喺咁多人面前全裸都若無其事，而我就要喺阿澤同辰巳唯拍情慾戲時，喺旁邊拍曬手掌做個好開心表情，其實我都不知幾咁尷尬。」超儀踢爆阿澤表面輕鬆，其實心情好緊張說：「我知佢好緊張唔想拍攝現場有太多人，驚投入唔到，所以我都盡量唔騷擾佢。」
■李公樂導演上陣教杜汶澤拍床戲，阿澤與何超儀未拍戲已忍不住笑。
■何超儀、泰臣及曾國祥旁觀杜汶澤拍AV，露驚訝表情。
■何超儀（右）跟日本AV男、女優有多場對手戲。
生擒有反應
問到杜汶澤被AV女女上男下生擒時可有生理反應？阿澤昨日在電話中說：「女上男下呢個社會現象好普遍，係成個風氣。我拍時請教過夕樹舞子，佢話通常只有第一take有生理反應，跟住再拍就會冇，呢個只係我工作，所以唔尷尬。AV女都習以為常，佢哋好似打咗防疫針咁。」阿澤表示剪片時有帶老婆去睇，她笑到碌地，阿澤說：「老婆畀我條底線好低，佢只係叫我唔好唔小心『sir』咗入去。」
採訪：比華利
|
鍾意就快D Share啦！
|
|
|