【短片】黃秋生批杜汶澤眾叛親離：依家幾多人唔再包容佢！
2014-03-09 23:35:00
黃秋生、張敬軒下晝喺演藝學院出席《EQUUS 馬》分享會，同場仲有導演甄詠蓓，同25年前曾經演過呢個劇嘅麥兆輝。
秋生話呢個劇搞到佢好大壓力，背成本筆記簿咁厚嘅劇本，搞到失曬魂。又話今早口快快話自己係「皇帝蕉」嘅張敬軒，性愛場面無可避免。
講起早前同杜汶澤因為CY女梁齊昕而隔空起罵戰，阿澤仲話一直容忍秋生嘅「無理取鬧」，但因為唔想令經理人兼恩人霍汶希難做，所以一直忍而不發。秋生對此話:「唔理佢講乜啦，容忍我咩啫？講埋啲嘢都冇根據，我都係問佢兩個問題，佢話人(指CY女)無知，自己係咪知好多？話人冷血，自己有幾熱血？搞搞嚇變咗唔知講咗去邊。」
問秋生係咪因為咁而同阿澤反咗面？秋生話:「反乜嘢面？有乜嘢好反？邊個同佢friend？你哋查嚇呢行有幾多人同佢friend？我係最後一個離開嘅。以前我對佢幾好呀，當然佢可能唔覺得係。講包容呀，知唔知幾多人包容過佢、0依家唔再包容呀？你哋自己查嚇啦。」
黃秋生話以前對阿澤好好，仲話係最後一個離開佢。(攝影：黃偉雄)
阿澤結婚嘅時候，黃秋生都有份做戥穿石。(資料圖片)
嗰時都仲好好朋友。(資料圖片)
(資料圖片)
兩個人都合作過好多電影。(資料圖片)
黃秋生仲話：「知唔知幾多人包容過佢、0依家唔再包容呀？」
秋生又話唔理佢講咩，講埋啲嘢都冇根據。
|
鍾意就快D Share啦！
|
|
|