2014年3月10日 星期一

被張晉猛揈笑騎騎 蔡少芬細女好武功 蔡少芬,

video


被張晉猛揈笑騎騎 蔡少芬細女好武功

被張晉猛揈笑騎騎 蔡少芬細囡好武功

【佐敦圓方】蔡少芬(Ada)同老公張晉絕對稱得上係圈中模範夫妻,上周五難得唔使開工,兩公婆就帶埋細女張信兒(包子)一齊去接大女張楚兒(湯圓)放學。約下午1點幾,一家四口同Ada阿姨被發現喺圓方商場內,Ada雖然只係著灰色羽絨褸,但紅帽配橙色太陽眼鏡依然好搶眼,被唔少途人認出。



【Ready】



【起飛】



【掟彎】



【降落】

5月滿3歲嘅湯圓𠵱家應該讀緊學前班,佢著住整齊校服,唔知係咪太早起身,喺BB車上玩咗一陣毛公仔,好快就瞓著咗,沿途咬實公仔耳瞓覺,十分可愛。而未足一歲嘅細女包子就精力十足,雖然未完全識行路,但雙腿已經好有力,只要爸爸張晉輕輕一扶已可以行到幾步。張晉見囡囡咁跳脫,索性捉住包子手腕,一手將佢揈上膊頭;雖然呢個動作對小朋友嚟講有啲危險,而包子嘅體重亦估計達20磅,但對武指出身嘅張晉嚟講,可以話一啲難度都冇;而被揈嘅包子完全冇驚過,仲玩到哈哈大笑。



【推車跌倒】



【老竇呵番】

細女跌倒狂喊

之後包子落地再玩,佢又貪玩要推BB車,但其間企唔穩跌低,即時扭計喊到拆天,曾揚言唔做怪獸家長嘅Ada亦都冇好緊張扶個女起身,反而係張晉抱起𠱁番個女。包子喊完一輪又冇事,仲同媽咪Ada玩「give me five」連環擊掌,一家人笑翻天。行咗差唔多20分鐘,佢哋就返去舊年以1,200萬元買入嘅凱旋門寓所。

採訪、攝影:潘冠恩



鍾意就快D Share啦!