掃呢頁CODE去手機

2014年3月5日 星期三

[FACE 354] 老闆娘 揼本 2千萬 何超氹霆鋒開波 霆鋒,何超儀,何超,BKD_S,謝霆鋒,MF,




《全力扣殺》以羽毛球為題材的勵志喜劇,何超話當完成自己一個小小心願,其實 2千萬都唔少㗎!

真面目

老闆娘 揼本 2千萬 何超氹霆鋒開波

啱啱拍完《 3D豪情》嘅何超儀又有新搞作,投資 2千萬開拍羽毛球為題材嘅新戲《全力扣殺》。新戲角色造型騎呢,老闆兼女主角何超亦冇優待,扮演癡肥過氣羽毛球選手。不過何超之前為《豪》一個月極速減咗 20磅,一時間好難穀肥,而且有纖體代言在身,惟有後期加工,裝假肚、假 pat墊底做巨躉肥婆。

何超亦學足《金雞》君如,碌咭搵男星客串,劉浩龍、梁漢文、杜汶澤都答應演出,連謝霆鋒都唔怕造型騎呢,玩埋一份!

何超為拍《 3D豪情》,一個月極速減咗 20磅,到拍新片《全力扣殺》,就要出動假肚假 pat,墊出肥婆身形,唔使特登增磅係舒服啲嘅!

何超投資、郭子健執導的新戲《全力扣殺》,為求效果更加真實,主角鄭伊健、鄭中基都有羽毛球底子,何超讀書時,原來都係羽毛球校隊,唔係「揸流攤」㗎!

巨躉肥婆

其實何超拍《 3D豪情》前,為《豪》片減肥,所以定時定候上纖體公司做機,一個月內減去 20磅。不過到開拍《全力扣殺》時,導演話何超太瘦,最後要裝假肚同假 pat先似番個肥婆造型。

為新戲扮肥婆,何超仲要為演好羽毛球手角色,一星期操 3次波,絕不偷懶。前週六( 22日),《全力扣殺》拉大隊在大潭水壩附近趕拍外景。當日講惡霸鄭中基和過氣羽毛球手何超講數場面。一眾演員包括鄭伊健、鄭中基、劉浩龍和林敏驄,造型個個奇特,扮過氣蠱惑大佬的鄭伊健頭髮蓬鬆,外形勁似《長江七號》周星馳;而鄭中基就一身老土運動裝,女主角何超巨躉肥婆 look亦終於曝光。

鄭中基飾演村中惡霸,操一口鄉味極重廣東話,好有《低俗喜劇》暴龍哥影子。

據知何超擔任纖體代言人,定期要 check住體重,所以要真身穀肥有難度,倒人米咩!

男主角

鄭伊健飾演過氣蠱惑大佬,頭髮蓬鬆,外形勁似《長江七號》嘅周星馳(小圖),對於平時有打開羽毛球的伊健來講, easy job

霆鋒做高手

投資 2千萬,老闆何超亦識得諗縮數,學足《金雞》君如碌人情咭,阿澤、梁漢文和劉浩龍率先答應,估唔到連霆鋒都「串」埋一份。卡士夠勁,但實質個個都拍膊頭做義氣仔。

上週五( 28日),何超接受本刊電話訪問說:「我自細已經好鍾意打羽毛球,覺得中國人打羽毛球咁叻,不如開套以羽毛球為題材嘅戲,當完成自己心願!今次想效果真實啲,搵到好多有打開羽毛球嘅朋友演出,好似 Eric Kwok、鄭中基、鄭伊健等,就連導演郭子健都有打開羽毛球,而霆鋒就真係唔話得,一開口就應承客串,佢喺戲入面好勁㗎,係羽毛球高手,另外仲搵咗香港羽毛球代表隊淩婉婷做教練!不過自己𠵱家唔夠肥,要搞到前後加墊,先變番個肥婆。」串星陣容勁、造型又誇張,似《金雞》收過 4千萬就好咯!

神秘串星

《蘋果日報》圖片

平時見謝霆鋒 chok就 chok得多,飾演羽毛球高手,要有姿勢有實際喎!

兄弟班

Eric Kwok飾演羽毛球隊員,不過橫睇掂睇,都係似 Iron Man多啲囉。

飾演鄭伊健手下的梁漢文,左手傷殘,化身「鐵鈎文」,對大佬忠心耿耿。

同樣飾演鄭伊健手下的師兄劉浩龍,扮超級弱視,眼鏡都裂埋。據知師兄為咗套戲特登剪頭髮、練大隻,好 man㗎!

醉酒佬林敏驄,背後其實又係一名羽毛球高手,只得何超相信其實力,據知仲會教何超一種秘殺技。

出錢出力

何超近年活躍影壇,而且出錢又出力, 10年首次投資開拍《維多利亞壹號》, 12年又被荷里活頂級經理人公司 ICM睇中,簽約做鞏俐師妹,進軍荷里活接拍喪屍恐怖片《 Open Grave》,做埋「女一」,剃頭、素顏都唔介意。

12年,何超俾《阿波羅 18號》導演 Gonzolo Lopez-Gallego睇中,搵佢拍喪屍恐怖片《 Open Grave》,做埋「女一」,何超仲為咗套戲瞓身演出,剪短頭髮兼素顏上鏡,搏到盡!

10年,何超首次投資開拍《維多利亞壹號》,出錢出力做埋女主角,仲成功獲得西班牙第 43屆錫切斯國際電影節的「最佳女主角」及「最佳特技化妝」兩大獎項。



鍾意就快D Share啦!