掃呢頁CODE去手機

2014年3月5日 星期三

[FACE 354] 張曦雯搵個高男人 張曦雯,MF,




張曦雯每週都要為明珠台節目《明珠生活》開工,上星期 FBI就拍得佢同陳智燊一齊拍外景,其間仲向對方嘟曬嘴,有啲不滿咁款。

FBI

張曦雯搵個高男人

同內地配對節目《非誠勿擾》,有 9成似嘅 TVB新節目《搵個好男人》上週首播,雖然 TVB姐仔跟筍男配對,但論聲勢就完全唔及《求愛大作戰》,參賽者背景及外形唔吸引,不過就彈出咗其中一位配對姐仔張曦雯。好多網友都話好面善,但又唔知佢係邊個,其實佢係明珠台主持,每晚《東張西望》嘅「 Pearl Tonight」都見到佢。張仲係 12年華姐冠軍, 5呎 8身高嘅佢,喺節目中講明話想男朋友有 6呎。 FBI仲聽聞張曦雯平時相當好動,鍾意玩搏擊同健身,閒時亦會夜蒲。上週一( 24日)張曦雯就同陳智燊為《明珠生活》拍外景,等埋位期間忽然嘴藐藐,唔係嫌 5呎 10吋高嘅陳智燊矮呀?

張曦雯為 12年華姐冠軍, 5呎 8高, 34C上圍,當年大熱勝出。𠵱家為明珠台主持。

鬼妹仔嘅張曦雯(中)間唔中都夜蒲, FBI喺 facebook發現佢嘅夜蒲相,同場遇上王愛倫細仔林建億(右二),睇嚟林公子對佢都有啲興趣噃。

上週四播出嘅第 4集《搵個好男人》,張曦雯對候選好男人、音樂人雷翰宗情有獨鍾,二人最後成功配對。不過會否有下文就要 FBI再跟進喇。



鍾意就快D Share啦!