掃呢頁CODE去手機

2014年3月5日 星期三

[FACE 354] 埋班 志偉吹雞 秋生急召叛將開拖 秋生,曾志偉,志偉,黃秋生,MF,




黃秋生演過葉問,臨危受命返 TVB做宗師,當然想搵番個功夫到家嘅拍檔啦;而暫定角色則由吳卓羲飾演徒弟,另外還有黎耀祥和陳茵媺加入。

圖片

真面目

埋班 志偉吹雞 秋生急召叛將開拖

香港電視 7.1開台日子迫近, TVB唔敢怠慢,急搵曾志偉碌咭搵人應戰,身為志偉老死的黃秋生亦率先響應,據知回巢開劇頭炮便是以功夫為題材,實行同港視開拖。

不過識打功夫的演員買少見少,為了找演員做大聖劈掛宗師一角,已令秋生𢱑爆頭,於是提議召回叛將、已投港視的冼灝英師傅返 TVB。冼師傅忽變無間道,觀眾剝定花生睇好戲。

為了迎戰港視七一開台,曾志偉已為 TVB召喚七大中年女星回巢拍電視劇《女人俱樂部》,近日志偉再發功,力邀秋生回巢拍劇,並於 6月開拍,而題材正好跟港視前年宣傳過的《功夫》非常相似。港視 12年尾申請免費牌照時,曾公布過一連串劇集預告,《功夫》以硬橋硬馬真功夫掛帥,演員陣容有陳嘉桓、元華和冼灝英等,可惜該劇後來被擱置,秋生變相食頭啖湯。

吳卓羲

(演徒弟)

陳茵媺

黎耀祥

港視擱置

陳嘉桓 12年尾曾說將以部頭形式接拍 HKTV的《功夫》,連宣傳片都拍埋,但後來被通知劇集已擱置,未開拍就停工。

未傾續約

冼灝英離開 TVB兩年,是大聖劈掛門高手冼林煜堂弟,現時仍有教授功夫及泰拳,可算是飾演師傅級高手最佳人選。

《蘋果日報》圖片

曾志偉與黃秋生老友鬼鬼,吹雞拍劇救亡,秋生又點會托手踭!

陳豪嫂做女一

志偉吹雞急召近排新聞多多的黃秋生幫拖,秋生最近除主持《燭光晚餐》外,亦為 6月開的功夫片做準備,據知演過葉問的他將演宗師角色。知情人士說:「秋生基本上答應咗喇!但佢要求齊曬劇本同埋搵齊角色至肯拍,成個劇本就交畀王心慰(《巨輪》監製)搞,暫時知道陳茵媺同吳卓羲係男女主角,不過仲差啲真係識功夫嘅演員,又要搵個識大聖劈掛嘅人演另一大師傅, TVB都未搵到合適人選。」

志偉和秋生找遍 TVB都只得敖嘉年同錢嘉樂耍到大聖劈掛拳,卻都嫌太後生,冇演員適合令兩人𢱑爆頭。據知秋生提議找冼灝英演這個角色,而冼師傅亦快跟 HKTV約滿,本刊週一( 3日)致電冼灝英,他語帶保留說:「我都就快約滿,未傾續約呀!暫時 TVB未搵我,如果搵到嚟,我未知點㗎,到時先算」大聖劈掛開正你嗰瓣,好難推喎!

志偉曾建議黃秋生參選演藝人協會會長,但在一遍混亂中結果由成龍當選,秋生語帶雙關話:「咁咪好囉,佢德高望重,不過佢早啲出聲仲正,唔使我搞到一褲都係!」

黃秋生最後在 TVB拍的電視劇,已是 20年前的《驚心都市》,對手有林保怡、李美鳳和陳松伶。

做《燭光晚餐》蝕車錢

由黎芷珊和黃秋生主持的節目《燭光晚餐》,節目嘉賓紅人多算有睇頭,據知秋生肯做主持,全因畀面黎芷珊,秋生甚至連價錢都冇問就應承,惟嘉賓一定要女性,難怪連秋生自己亦說:「我都唔知幾錢一集,可能連車錢都蝕埋!」

黎芷珊之前做《最佳男主角》曾請黃秋生做嘉賓,兩人甚為投契,跟黎芷珊做拍檔,亦是秋生答應主持《燭光晚餐》的原因之一。

容祖兒做第二集嘉賓,大爆經理人 Mani當年一見她即問生肖夾唔夾。

《燭光晚餐》現時為止清一色女嘉賓,繼吳君如、容祖兒和第三集的蔡少芬、陳慧珊外,即將出街的有王菀之、何韻詩、袁詠儀、周汶錡和歐陽妙芝等。

周汶錡

何韻詩

歐陽妙芝

王菀之

秋生代 CY插杜汶澤

黃秋生近日新聞多多,除演藝人協會選會長事件爛尾外,週日( 2日)更加入杜汶澤與特首二女梁齊昕的罵戰。

話說梁齊昕在 facebook質疑劉進圖遇襲與新聞自由有何關係,杜汶澤留言「當你試圖展示好的腦袋和其他人一樣可以分析事物的同時,世界亦看見你無知和冷血的一面」。兩人一人一句互插,忽然殺出個曾鬧過政府的黃秋生寸阿澤:「你班契弟又出嚟恰女人……當你話人冷血嘅時候,我又想知你到底有幾熱血?」咁你又恰陳芷菁?

黃秋生去年底當選藝術發展局委員,曾表示好多會要開,但志偉開聲叫到當然幫拖。

《蘋果日報》圖片

去年 1月梁振英在禮賓府搞閉門酒會,黃秋生笑住合照。

秋生早已認識梁齊昕,不過今次撐到出面就惹來網友抨擊。

網上圖片



鍾意就快D Share啦!