G.E.M.商演價怒升至90萬一場 勁過陳慧琳謝安琪
2014-03-04 13:42:00
G.E.M.憑《我是歌手2》人氣急升，工作不斷，成功吸金﹗（微博圖片）
G.E.M.（鄧紫棋）憑《我是歌手2》而喺內地爆紅，微博粉絲人數已衝破770萬，雖然G.E.M.早前成績有所回落，未能躋身三甲，但仍無損人氣，接job接到手軟，身價更加大幅度跳升，尤其佢嘅商演價跳升度尤為驚人，吸金成功﹗
現年22歲嘅G.E.M.雖然0依家中港兩邊走，行程頻撲，但搵錢至上嘛，今日有雜誌報道指G.E.M.上星期五出席到深圳，為春茗擔任壓軸嘉賓，G.E.M.喺台上獻唱參賽歌曲，現場反應熱烈，唔少賓客走到台前影相，G.E.M.繼續施展嗌爆咪唱功，非常落力。據報道所指，G.E.M.今次只係唱咗三首歌，90萬人仔就袋袋平安，認真和味。
另外，因《我2》帶挈，令G.E.M.商演價亦急升，由以往10萬人仔一場，怒升到至少90萬人仔一場，報道仲話呢個價比起陳慧琳﹑梁詠琪及謝安琪仲要高喎。G.E.M.現時成為樂壇小富婆，年紀輕輕已經榮升業主，去年1月G.E.M.豪擲1300萬購入荃灣韻濤居複式單位。
雖然事業得意，但愛情就現暗湧，近日G.E.M.同林宥嘉（Yoga）屢傳「分」訊，有指兩人長期分隔兩地，而上周四G.E.M.錄影節目時，選唱周傑倫《龍捲風》，歌詞中「愛情走得太快 就像龍捲風」，被指係憑歌寄意。而主持張宇喺電梯撞到G.E.M.，就問佢係咪分手？G.E.M.諗咗一陣就話：「如果不是，我又怎麼會唱這首歌？」
至於林宥嘉喺微博留言，為個唱做好準備，噚晚十一點幾，Yoga喺微博寫道：「拿吉他出門唱歌， 天邊最亮的那個是我今晚的聽眾。可能在你眼裡，它是一顆星星。不過在我眼裡，那是一台迎面向我衝來的機車。 （我的天，好亮的車頭燈） 口的形狀演唱會_ 練習。 」
G.E.M.豬籠入水，成為樂壇小富婆。（微博圖片）
（微博圖片）
事業雖得意，但情場就失意，近日G.E.M.同林宥嘉屢傳分手。
林宥嘉微博
|
鍾意就快D Share啦！
|
|
|
