宣傳新戲 為七呎高盔甲揭幕 丹爺：點解會咁高0架？
2014-04-06 18:25:00
甄子丹做得大俠多，喺《臥虎藏龍2》就要做講英文嘅大俠，又幾特別喎。
「宇宙最強」甄子丹今日帶埋老婆汪詩詩﹑聯同王寶強及莊思敏等，喺觀瀾湖宣傳《3D冰封俠：重生之門》。
丹爺翹實太太sweet sweet到場，佢哋又喺現場打手印，以及為戲中盔甲揭幕，不過一揭開個成7呎高嘅盔甲時，丹爺就條件反射咁問：「點解會咁高0架？」，司儀就即刻答話：「你嘅氣場高過佢。」嚟0氹返丹爺開心。
丹爺話要表揚電影公司，因為除咗用好多錢喺隧道口買廣告位宣傳之外，又搭大型青馬橋佈景拍攝，不過對政府好多時都唔配合電影業就有微言，佢話：「呢個問題我哋面對咗好耐，好多方面政府都唔係好支持，咁對香港電影文化係好可惜嘅事。」
早前丹爺宣佈同荷李活經理人公司CAA合作嘅佢又話，對方4年前已經搵自己合作，今次真係好有誠意喎，佢又話唔刻意一定要拍西片，不過《臥虎藏龍2》就係著古裝講英文，佢話大俠就做得多，不過咁做又未試過咁話，佢仲話套戲7月就開拍喇。
丹爺翹實太太到場，大曬恩愛。
丹爺對政府好多時都唔配合電影業就有微言。
丹爺為七呎高盔甲揭幕。
7呎高嘅盔甲。
|
鍾意就快D Share啦！
|
|
|
