掃呢頁CODE去手機

2014年4月11日 星期五

[忽然1周 976] 搓胸防墮再覓第二春  50歲羅霖:佢要養得起我! 羅霖,BKD_S,MW,




放狗減壓

這兩年羅霖因離婚及贍養費糾紛與前夫劉坤銘對簿公堂。平時除了湊仔外,她也會借放狗減壓。難得拋開煩惱,她在沙灘上與愛犬玩得不亦樂乎。

滾熱辣

搓胸防墮再覓第二春  50歲羅霖:佢要養得起我!

羅霖宣布與劉坤銘結束 16年婚姻,曾為贍養費問題爭拗不休,最後官司庭外和解,雙方再無錢銀轇轕,現時羅霖與細仔搬回深井娘家生活。

少奶奶頓變失婚婦,羅霖逆境求生,惟有出動隱藏多年的魔鬼身材,殺入影圈大膽演出,更以半百年紀,獲得「美魔女」稱號,人氣有增冇減。

日前,本刊直擊羅霖到沙灘放狗,穿上兩件頭運動裝的她除白滑肌膚非常養眼外,堅挺的 33D無疑係人間「胸」器。曾形容與劉坤銘這段婚姻是噩夢的羅霖,仍相信愛情,「最緊要係大家相愛,但呢個社會好現實,我都想對方有經濟能力,養得起我……」











閱女無數的陶傑,在記者面前大讚羅霖保養得宜,仲話女人 50歲靚成咁去邊度搵?

屬龍的羅霖年近 50歲,空姐出身, 91年當選亞姐冠軍並奪最完美體態獎, 96年與拍拖 5年富商劉坤銘結婚,但皇妃般的生活只能維持 16年。

很多女人都視家庭為終身事業,對失婚羅霖來說,曾經亦有如此想法,無奈要行到離婚這一步,不單失去人生依靠,破碎家庭亦影響三名兒子。羅霖說:「其實當年我要嫁劉坤銘時,成班姐妹都有啲人唔係咁支持㗎!但我話曬都同佢拍咗 5年拖,對方又好愛我,所以先博一鋪。其實嗰時都有其他人追,比劉坤銘有錢有地位嘅大有人在,但女人唔一定注重物質方面。當時嘅我已經好滿足,婚後我都唔使再做嘢。」

不少選美出身的女星嫁入豪門後,名下隨即增添不少物業及資產,但羅霖至今仍兩手空空。據知,羅霖曾與劉老爺約法三章,承諾在老爺在生之年絕不會與劉坤銘離婚,方可獲得劉氏家族一個物業。最終羅霖沒有為錢低頭,兩年前決定向劉坤銘主動提出離婚。但勇氣過後,她卻要承受精神上的壓力。

大 W襲沙灘

羅霖在沙灘展現其 33D身材,抱起小狗時向前輕輕俯身,難以相信年近半百又是三子之母的她,能保持這副好「波地」。

腹肌隱現

除了堅挺上圍,羅霖的一雙白滑修長美腿亦非常搶眼。穿上兩件頭運動裝的她,更隱約現出小腹上的腹肌。

23年前完美體態

羅霖於 91年當選亞姐冠軍兼勇奪最完美體態獎。估唔到 23年後,其身材依然無變,更多添一份女人味。

為部戲去到盡

羅霖為復出搵錢可以去到幾盡?大家不妨買飛入場睇《愛.尋.迷》找答案。牀上激戰剝到盡,從未見過羅霖咁激。

拍攝期間羅霖在導演陶傑的即場指導下,在牀上肉體橫陳。

兒子成精神支柱

早前,羅霖被劉坤銘反索每月五位數字的贍養費,令她跌落人生谷底。「我哋分開咗兩年,法庭批咗暫准離婚書,三個小朋友共同撫養,判咗全部跟我,但因為佢(劉坤銘)唔租屋俾我,所以我只可以同細仔一齊返媽咪度住。我哋係庭外和解,但對方仲未肯簽某啲文件,其他細節唔可以透露。我依家壓力真係好大,已經連續多晚失眠。每朝 6點起身同細仔一齊食早餐,送佢返學,已經成為我嘅精神支柱。」曾經愛情至上的羅霖,最初連自己亦接受不到離婚,頭半年因為壓力問題令體重跌至得雙位數,自信亦降至零。

月花 10萬撐頭家

現時要自給自足撐起頭家的羅霖,原來每月開支十分龐大,難怪她最近不惜拋胸出擊,密密接 job搵食。

嫁入豪門 16年,羅霖外表風光,實質卻無樓揸手。離婚後打回原形的她,與細仔搬到母親名下位於深井的海韻臺居住。

夫家變陌路人

「我唔後悔嫁佢,大家係真心相愛過。結婚當然係想白頭到老,但去到性格不合忍痛提出離婚後,佢嘅態度即時唔同曬,連佢啲屋企人亦冇再搵我。生細仔後我先發現佢嘅問題,如果唔係出現咗導火線,我都會一直忍落去。」關於羅霖的離婚真因,外界眾說紛紜,有指劉坤銘早年因金融風暴致生意失利, 00年遭債主入稟申請破產。亦有報道近年劉經常往返內地投資,身邊不時有女子相伴,夫妻感情愈來愈淡。更有傳劉坤銘在一次夫妻爭拗時向羅霖「鬱手鬱腳」。

曾經傷過痛過,現實令她不能不為自己著想,亦希望有朝一日可接回另外兩個兒子共同生活,「我當然想搵番個伴啦,最緊要大家相愛。但呢個社會好現實,我都想對方有經濟能力……最理想係我唔使做嘢,佢養得起我,可以照顧到我同囝囝。但我知道一定會有困難,我年紀唔細,又係一個離咗婚嘅女人,仲有三個仔,就算對方肯,佢屋企人都未必接受到。講真,連我自己都接受唔到自己個仔娶個離婚嘅女仔,所以冇男人會要我。睇下我有冇咁嘅福氣,好唔好命。即使搵唔到(男人)都冇遺憾,因為已經有最壞打算。」

望母子團聚

《蘋果日報》圖片

2012年 1月,羅霖一家五口出席大年初二的煙花匯演晚宴,但不出數月羅霖單方面提出離婚。現與細仔同住的羅霖,希望有朝一日可以接回大仔及二仔一起生活。

護胸有法

離婚後羅霖沒有自怨自艾,除了努力搵錢外,堅持每日護理身上每吋肌膚。雖然記者眼見她手部青筋微現,但身上肌膚白滑,確不失美魔女稱號。「皮膚對女人好重要,每日沖涼後我都會全身塗護膚乳,每月定期做兩至三次人手推脂推淋巴。胸部由於生仔時每次都餵人奶到半歲,當時都升咗兩、三個 cup,依家上圍比以前大咗。但年紀問題,加上地心吸力,所以都會做啲加強胸部結實嘅運動,亦會每晚自己按摩。順便提嚇大家,女人就算瞓覺都最好戴個冇鋼線嘅棉質內衣,咁先可以保持形狀不變。」日前,本刊直擊羅霖於赤柱放狗減壓,身穿兩件頭運動衫,激凸上圍盡現,雖然肚皮有少許鬆弛,但對 50歲三子之母而言,她的身材已是人間極品。

健胸示範

訪問期間,羅霖即時分享多年的健胸秘技,她說每晚都會做這兩個動作,以及洗澡時按摩胸部,可令雙胸變得堅挺。(想睇清楚健胸動作,就睇片)

名牌袋用足兩年

當年曾被炒至 3萬元的藍色馬毛 Celine手袋,羅霖由 2012年沿用至今(圖),足見她並非大花筒,加上離婚後要自食其力,手袋還是少買為妙。

湊仔放學

周二( 8日),羅霖做完嘟姐的電台訪問,即時湊仔放學,然後與囝囝 Jonathan到九龍塘又一城逛書店。記者聽到母子二人以全英語對答,有說有笑氣氛溫馨。

陶傑望羅再起跑

上月底羅霖以一襲低胸透視晚裝出席電影《愛.尋.迷》的活動,其澎湃洶湧效果令全場嘩然。因為太性感太誇張了,羅霖出門口時更被母親責怪了幾句。

今次復出接拍題材露骨電影《愛.尋.迷》,羅霖坦言是被才子導演陶傑的誠意打動。而陶傑與羅霖合作過後,對其身材亦讚不絕口。問到有否開解過失婚羅霖,陶傑說:「有嘅,不過清官難審家庭事,羅霖咁純真,佢可能參透唔到囉!不過依家未為晚,起碼全港成熟又事業有成嘅男士都識得佢。我知好多都心生仰慕之情,希望佢搵到新嘅起跑線。」連才子都為羅霖打氣,看來失婚不等於失去所有。

美魔女當道

「美魔女」一詞源自日本雜誌,形容 35歲以上,看不出實際年齡已婚產子的女士。這個新詞出現後,在亞洲,韓國、台灣相繼出現「美魔女」,而年齡更上調至 45歲以上。香港娛圈不缺「美魔女」,但講到殿堂級,就非以下三位莫屬。

李美鳳 50歲

「電眼美人」李美鳳是一對龍鳳胎之母,日常飲食以養生為主,她表示飲食盡量少油少肉,每日午餐、晚餐都必定有魚,適量的運動加上優質睡眠,能保持皮膚白滑有彈性。

余安安 54歲

兩女之母的余安安,與女兒出街似姊妹多過母女。她堅持每日運動,日日敷 mask。飲食方面她亦有研究,買餸以少肥低脂高纖為主,令身體有正常的新陳代謝。

趙雅芝 59歲

最強「美魔女」非趙雅芝莫屬,驟眼睇根本無人估到她近 60歲。她強調均衡飲食,會親自調製新鮮面膜。身形方面,她每星期都會做三至四次帶氧體操。



鍾意就快D Share啦!