連體出海
Mandy 09年與男性化打扮的同性密友撻著，二人當時打得火熱，經常約埋出海。留長髮的 Mandy與同性密友頭貼頭影相，非常煙韌。
娛樂喧
自揭雙性戀 蔣雅文同志密照曝光
08年退出娛圈，轉戰台灣開舖創業的蔣雅文（ Mandy），多年來一直在網上發聲，讓她連續幾年打入高登女神榜。上月底， Mandy在 facebook自爆與貌似財爺曾俊華的台男拍拖，搞到一班宅男心碎外，更令 Mandy忽然成為傳媒關注對象。
為怕愈揭愈多， Mandy決定率先爆大鑊，自爆屬雙性戀者，定居台灣時，曾與同性展開斷背情。本刊從特別途徑搵到一批 Mandy轉性時與同志愛人的密照。二人除著情侶裝外，更經常頭貼頭影相，非常親密。
從這批密照中發現，蔣雅文（ Mandy）的同志愛人打扮男性化，而且二人當時感情甚好，除懶理世俗眼光，齊齊著情侶裝出街外，更頻頻孖住出海和夜蒲，形影不離。
三年斷背情
02年加入英皇做歌手的 Mandy，事業一直未有起色。 08年她與公司傾掂數解約，毅然飛往台灣進修設計課程，翌年更決定在台北落腳，與朋友合資開潮店及 cafe。當時人生路不熟的 Mandy，多得這位同志密友幫手，一步一步渡過難關。「 Mandy喺台北住咗冇耐，喺朋友介紹下就識到呢個女仔喇。呢個女仔人面好廣，認識喺當地移民公司任職嘅人，於是佢就搭路，幫 Mandy搞開舖嘅文件。佢哋就係因為咁樣由朋友慢慢變為情侶。」知情人士說。
Mandy中途轉性，令她身邊不少好友吃驚，知情人士說：「我哋以為佢玩玩下㗎咋，冇諗過會咁認真，一拍就拍三年，仲試過帶個女仔返嚟香港見家長㖭！ Mandy屋企人最初當然反對啦，但女大女世界，最後惟有接受！」 2012年中，二人最終因為性格不合而分手，三年斷背情玩完。
飽受娛圈壓力
當時 Mandy飽受情傷，加上其台北潮店生意麻麻，於是她決心結業，並將基地移去生活指數較低的花蓮，逃離台北這個傷心地。情路上屢遇挫折的 Mandy，輾轉下認識台灣潮牌「 TRAD Philosophy」老闆，將 Mandy由攣拗番直。
今年 31歲的 Mandy，人生屢遇試煉。由於老父腰患需要母親照顧， Mandy 18歲便要孭起頭家，負責老父醫藥費及妹妹學費。原本做 OL及兼職 model的她，為賺錢才加入娛圈。最近她接受專訪時說：「大家都覺得我性格唔適合（娛圈），但我覺得要試下先知。」當時 Mandy星運平平，她有一段時間壓力爆煲，在養和醫院求醫時失控痛哭。提到當年被同門鄭希怡搶盡風頭時，她亦說：「當你嘅星運有嘅時候，任何潛規則都唔會阻礙你會唔會紅呢件事……當然我都冇辦法去講我哋三個人（ 3T）嘅關係。」
飽受娛圈壓力， Mandy飛到台灣初期更因內分泌失調導致有皮膚病。幸好她現時已經走出陰霾，在花蓮開生活雜貨店，重新做人。
身心行為學家：雙性戀係本能
蔣雅文忽然在網上自揭雙性戀，身心行為學家李寶能稱她擁有男人性格，而且他認為雙性戀是動物本能。他說：「其實係人嘅動物本能，不過因為社會文化，以前嘅男女都唔敢表露出嚟。但現今社會漸漸可以接受，所以剛直性格嘅女人，會敢於表露男性嘅一面。佢喺網上面講明自己曾經係同性戀，其實亦表露出男性剛直一面。」
李寶能稱有壓力的女性，其潛在的自我保護個性便會顯出來。「當呢個女性受到壓力，佢男人嘅一面就會出嚟保護自己，娛樂圈特別容易感受壓力，有呢種特質嘅女性，亦特別容易咁樣保護自己。」
迷失性向
在娛圈捱足多年的蔣雅文由攣變直，性向一直成疑。其實香港不少女藝人也試過迷失性向，部分女星更因受情傷而中途轉 channel。
|
鍾意就快D Share啦！
|
|
|
