[忽然1周 978] 邵美琪 識做小女人 邵美琪,MW,

陪聽又陪笑

49歲嘅邵美琪，經過多年歷練，非常懂得同男友施祖男相處，唔阻佢同人 social之餘，仲一路 keep住有笑容㗎！

媽咪姐

邵美琪　識做小女人

上個禮拜，前金牌經理人陳自強創立嘅品牌店喺中環搞咗個開幕活動，俾佢一手捧紅嘅圈中好友包括張學友、張家輝同何超儀等都去咗支持！

喺 party內仲見到邵美琪（ Maggie）同拍拖 6年嘅施祖男結伴到場。 Maggie好多時都企喺旁邊默默咁聽男友同朋友傾偈，而施祖男就不停滿場飛搵人 social，仲聽到佢同朋友講嚟緊會接套動作西片，講到手舞足蹈咁鬼死咁 high！ Maggie就繼續喺旁邊望住男友點頭微笑，其間有人叫佢影合照，佢都等男友點頭同意先走開，呢啲咪識做嘅女人囉！

當男友同林家棟握拳，邵美琪就自動波

搵毛舜筠傾偈，大家都 happy！

睇呢個陣容，就知當晚主人家陳自強（右五）嘅人面有幾廣。最緊要連有錢都未必請到嘅歌神張學友（左一）都到呀！

邵美琪最為人知嘅情史，係同鄭伊健嘅姊弟戀，而現任武指男友施祖男亦細佢 9年。但喺男友身邊，佢非常小鳥依人，前年仲一齊去賽車。

鍾意就快D Share啦！

下一篇 》