全城熱爆的娛樂八封新聞 & 時事趣聞 & 生活 + 趣聞
呢日黎諾懿喺栢麗購物大道拍外景，無乜人圍觀，搞到佢有啲悶。
結咗婚嘅許志安，修心養性曬，得閒都係睇住隻狗。但男人呢，無幾多個唔心野嘅！上個禮拜，媽咪姐同朋友響尖沙嘴行街街就撞見黎諾懿拍緊外景。未到佢出鏡時，黎生百無聊賴，望嚇櫥窗又望嚇人咁，突然間有個著短裙仔嘅靚女行過，佢就好似俾磁石吸住咁，一直𥄫到實，望到個靚女行到好遠都仲未擰番轉頭。
咁呢，睇靚女係人嘅本性，女仔都望番同性啦，何況係男士！不過媽咪姐就話深明大義啫，黎諾懿嗰位富貴女友又唔知點諗呢？
黎諾懿同有米前港姐李潔瑩拍拖多年。唔知女友易唔易呷醋呢？
𥄫足一條街 嘩嘩嘩！有望唔望，罪大惡極！何況係著短裙、高踭鞋嘅索女。黎生望足成條街，唔好嘥！
