[忽然1周 978] 杜 Sir生日會×明星恩愛 show 杜 Sir,杜琪峯,MW,

媽咪姐

杜 Sir生日會×明星恩愛 show

周二（ 22日）係大導演杜琪峯嘅 59歲生日，鍾意熱鬧嘅佢，喺中環蘭桂坊酒店搞咗個 birthday party，迎接 60歲！好多圈中紅星帶曬大禮到賀，同佢飲番杯。嗱，杜 Sir呢位主人家當晚掛住 social，無出嚟見記者，但 no problem，齋睇一班明星夫婦喺馬路行入酒店一段短短路程裏面，點樣盡顯恩愛，已經好鬼 sweet喇。溫馨提示，記住睇埋片，仲 fun！

楊千嬅丁子高　步步驚心

楊千嬅同丁子高到場俾記者圍問時，千嬅突然中「頭獎」俾個咪撲中，醒目嘅丁生即時拖實老婆走人。仲提醒著鬥零踭嘅千嬅小心踩落坑渠，細心!

劉青雲郭藹明　自然 sweet

乜嘢叫做「愛得自然」？睇劉青雲同郭藹明咪知囉。佢哋無視現場幾十個記者，只需一個深情對望已經甜到漏

張兆輝夫婦　暗襯

再睇另一對恩愛夫妻張兆輝同太太郭碧妍，驟眼睇睇唔出乜嘢，各位請將視線向下移，睇嚇張太個手袋，再望嚇張兆輝對鞋，明白冇？

安仔 Sammi　最怕醜

已經結咗婚嘅 Sammi同安仔竟然係前後腳到賀。著透視裙嘅 Sammi怕怕醜，寧願孖住老友車婉婉飆入場。話時話，佢哋兩個一向都各有各嘅空間。唔信？揭去下頁睇嚇就知

鍾意就快D Share啦！

下一篇 》