[FACE 362 外地娛樂] 吳尊熟手奶爸 吳尊,BKD_S,MF,

吳尊帶三歲半囡囡 NeiNei出演《爸爸回來了》，雖然已遮了大部分臀部，但 Nei Nei始終係女仔，將來唔知會唔會怪老豆喎！

FBI

吳尊熟手奶爸

《爸爸去哪兒》紅遍中港台，內地幾間電視台都學湖南衞視搞真人親子騷，最大迴響係浙江衞視出品《爸爸回來了》。不過迴響大唔係讚佢好睇，而係首集就直播吳尊幫大女 NeiNei沖涼，當住鏡頭露屁屁，被唔少網民批評話個細路畢竟係女仔，唔應該咁公開。 NeiNei得嗰 3歲真係乜都唔知，但係爸爸吳尊已經 34歲喎，會唔會覺得唔係咁好呢？

俾個 3歲女當眾出浴到底啱唔啱先唔講住，其實 FBI真心嗰句，係想讚吳尊樣樣親力親為。老老實實，第二個爸爸上節目係做騷咁做，但 FBI知道，尊爺再忙再攰，都保證一年內有一半時間唔接 job，每年至少留家半年陪老婆仔女。所以沖涼餵飯講故事，吳尊真係熟手技工，絕無作假。係好溫馨、好有愛，但都係嗰句，唔好直播小朋友沖涼喇。

09年結婚、 10年生女，吳尊一直保守秘密，直至去年細仔出世前至公布自己一早做咗老竇，𠵱家更加可以大方 po同囡囡合照上網啦。

吳尊錫女錫到燶，為個女半年唔接 Job，沖涼餵飯甚至換片都係親力親為。

鍾意就快D Share啦！

下一篇 》