17/4麒麟臂
唔使見人，平日衞蘭背心 look就出街，剛剛開始食代餐，未見有效果，一雙麒麟臂好粗壯。
真面目
好肥 復出肥過欣宜 衞蘭狂買減肥代餐
差唔多 2年冇出碟的衞蘭，為谷新歌，即使身型學黎明話齋「肥過部電單車」，都要出嚟四圍宣傳。做完伍樂城作品騷、又去太陽計劃活動，不過身型冇跌反升、肥過欣宜！
衞蘭早前傳過檔華納，據知黎明已開始和她傾新約，雖然有唔少大計，不過黎明就下令衞蘭今次一定要減磅，加上近年工作量大減，又要養埋孖妹衞詩， 32歲衞蘭終於頂起心肝，上星期走去超市狂掃減肥代餐博老命！
蛋白粉減食慾
上週四（ 24日），衞蘭在新城訪問大談近況，直言介意傳媒把她的照片放在暴肥張惠妹旁邊。衞蘭說︰「𠵱家我會視為一種推動力，激發自己努力去減，我想瘦得嚟有啲肌肉，所以都會舉嚇啞鈴，同埋認識嚇咩叫澱粉質。」
訪問之後，男助手送她返回大圍新屋後，衞蘭再獨自駕車到圓方，單拖入超級市場的健康產品專區，不停詢問職員產品的資料，最後買了有助控制體重的高蛋白奶粉、減少食慾的香蕉味蛋白粉等代餐。
瘦先有碟出
揀完一輪，衞蘭再行到熟食區買晚餐，但她只買了半隻燒春雞和一碟魚生，卡路里唔多，抵讚！
其實衞蘭入行以來，最瘦的時期是 07年，當時為纖體公司代言，成功減去 15磅，只有九十多磅，加上一堆 K歌，當年係威係勢㗎！
到 08年尾，衞蘭接受訪問自爆有情緒病，之後體重便一發不可收拾， 12年推出大碟《 Imagine》後人氣不再，期間只客串形式跟許志安合唱〈情人甲〉；適逢今年將與 A Music完約，有傳衞蘭會過檔華納，不過最終傾唔掂數，黎明亦開出續約條件，但先要衞蘭減磅，如果效果理想，新碟才可如期 7月推出。睇嚟衞蘭今次真係要認真減下，起碼要瘦過好姊妹欣宜
愈住愈平
工作量大減，靠開騷搵食的衞蘭，演唱會叫座力由一年 7場，跌到去年只有 2場，收入大減；今年初亦由月租 4萬的畢架山一號，搬到大圍的福來別墅，月租 2萬 5，不過勝在地方夠大夠實用，都唔算大屋搬細屋嘅。
|
鍾意就快D Share啦！
|
|
|
