3月尾 肥腫 170磅
事隔唔夠一個月，森美身形大了成個碼，西裝褸遮唔住肚腩，大髀亦相當粗壯，面圓圓兼肥腫難分。
娛樂喧
停藥後遺 森美暴脹 20磅
早前森美以身體健康為由，辭演大台新劇。唔使通宵拍劇，森美現時只每朝返商台開咪，以及間中接司儀散 job。難得清閒，森美於是日日同老婆四圍搵食，加上停服抗抑鬱藥，短短一個月，暴脹 20磅，上到百七磅新高。
早前本刊拍得身穿淺藍色西裝褸的森美，比之前足足大了兩個碼，肚腩逼爆鈕咁滯。難怪他回應時亦說：「我真係肥咗好多，連腹肌都冇喇！」
今年 2月，森美以健康為由辭演大台新劇。推劇後，他頻頻搞飯局，嘆勻珍饈百味。「佢（森美）不嬲都鍾意食嘢，不過以前忙到連飯都冇時間食，依家唔使日日等埋位，咪索性大解放，成日約班 friend去開餐，有時食完晚飯冇耐，又話要去消夜。」知情人士說。
停藥增加食慾
食得是福，不過對於今年經已 40歲的森美來說，要排走脂肪絕非易事。商台一名員工說：「呢個月見佢個身好似吹脹咁，叫佢戒下口㗎喇，點知佢誇口話做幾日 gym就瘦番曬，但唔見佢鬱，真係俾佢吹脹。你估仲十八廿二咩。」
曾患過專注力失調症和抑鬱的森美，近年幫襯開黃偉文密友、精神科醫生吳偉文，定時定候服食抗抑鬱藥。不過今年初，醫生建議森美停藥。毋須靠藥物抗抑鬱的森美，食慾大增之餘亦比以前更吸收食物熱量，種種原因下，令森美的體重在短期內直線飆升。
森美：肥到 170磅
早前本刊在商台外守候森美，發現冇見一排的他，身形發福不少。當日他身穿淺藍色西裝褸，雖然全部鈕扣曬，但其大肚腩，直頭逼爆衫咁滯，睇落腰圍有成 38吋。而且大髀非常粗碌，十足榕樹腳。雖然他身高接近六呎，但真的有瘦身的必要。
森美接受記者訪問時，亦直認自己發福不少。「哎！我係肥咗好多，最弗時百五磅，依家肥到 170磅。我呢排冇做運動，哈哈！真係冇曬腹肌喇！」他又承認現時已停服抗抑鬱藥，「初初有呢個病，要慢慢增加服用抗抑鬱藥嘅分量，直到兩年前，醫生開始吩咐減藥。啱啱上個月就完全停曬藥。依家乜藥都冇食，只係食啲健康藥物。」
訪問期間，森美不時叫記者俾脹爆相佢睇，可見他對身形非常著緊。他滿有信心說：「遲下我會跑番步，行山 keep弗。我仲返教會，靠神嘅幫助紓緩心情。」上周六（ 4月 26日），他亦出席佈道會，大爆曾被相士批自己死於非命。健康就是財富，努力減肥
醫生：停藥易肥
葵湧醫院前精神科顧問醫生余枝勝表示，一般情況下，停藥是致肥的主因。他說：「一般人服食抗抑鬱症藥物後會變瘦，而停藥後比較易肥。所以停藥後唔可以淨係坐喺屋企，最好做多啲運動。不過抑鬱症病人好易翻發，好多時停咗藥又再食過反反覆覆，始終藥物只係輔助，要真正康復，唔可以完全靠曬食藥。」
DJ反話護航
森美突然由弗爆變脹爆，每日與他撞口撞面的商台 DJ同事，自然心裏有數。不過他們非常有口德，紛紛話肥咗冇問題。
|
鍾意就快D Share啦！
|
|
|
