掃呢頁CODE去手機

2014年5月2日 星期五

[忽然1周 979] Ball場有幾趣? MW,




媽咪姐

Ball場有幾趣?

社交界名人有財有勢,為免影響聲譽,每行一步都要諗過度過,言行舉止係悶啲㗎!不過凡事梗有例外嘅,識得捉緊時機,開心 share!既可搶收視又無傷大雅,呢啲咪叫 win win囉!

徐子淇爆老公料

千億新抱徐子淇次次出動都有驚喜,上周五( 25日),佢去灣仔出席晚宴,一身低胸透腰晚裝已經好搶。做訪問時,佢有問必答,仲爆埋腳傷老公喺大陸飲老虎骨浸茅台,又食成隻田雞,搞到佢唔敢咀嘴。真係夠曬話題性囉!

同場兩個豪門新抱一見面即合照,徐子淇為怕踩到郭晶晶裙腳,即時拉起自己條裙,順勢騷埋誘人美腿,又 win!

吸睛魔女關之琳

大美人關之琳去名錶派對,著條淨色晚裝裙,靚到發光咁款。佢係咁 share自己戴錶嘅古仔,一時話以前沖涼、瞓覺都戴錶,轉頭又爆收藏嘅錶最平 10蚊、最貴唔超過一百萬。咁鬼識做,難怪班高層咁 like

關之琳魅力沒法擋,兩個愛彼錶高層同佢合照嗰陣,全程望住佢眼都唔眨,遲遲都唔望鏡頭。難怪俾人叫美魔女!

王曼喜全家撐出櫃

王敏德同馬詩慧嘅大女王曼喜,早前宣布出櫃,承認與同性戀人 Lia拍拖,媽咪姐都估佢唔到。大膽認係同志嘅佢,獲全家支持,阿媽阿爸出面力撐,仲大讚勇敢。有家人又有愛人撐,仲吸埋收視,贏曬!

上周四( 24日),王曼喜孖住阿媽馬詩慧去護膚品午宴,兩母女鬼咁 friend,全程黐實,又互相影對方。果然唔止口講,係身體力行去支持喎。

許晉亨難得甩繩

周日( 27日),沙田馬場舉行國際一級賽「愛彼女皇盃」,身為大使嘅李嘉欣因燒到 104.5度缺席。剩低佢老公許晉亨一個捧佢哋隻愛駒「一寶」,隻馬最後贏得香港二級賽。難得無老婆喺身邊𥄫住,許晉亨獨自去拉頭馬,即刻輕鬆返曬嚟。



鍾意就快D Share啦!