[忽然1周 979] 菇爹(何韻詩老竇)錫晒 Eason Eason,何韻詩老竇,菇爹,何韻詩,陳奕迅,MW,

「半個老竇」舖頭開幕， Eason幾遠都要仆到返嚟。早到嘅梁漢文即刻讓位俾「父子相認」。

媽咪姐

菇爹錫曬 Eason

早幾日，何韻詩老竇（菇爹）投資過百萬嘅藝術學校開幕，黃耀明、梁漢文同森美等都有嚟撐場，就連喺重慶返港、啱啱落機嘅陳奕迅（ Eason）都趕嚟，因為佢話菇爹幫咗佢好多，一直視菇爹為「半個老竇」咁話。

「半個仔」姍姍來遲，而菇爹就如臨大敵，仲指揮嘉賓們要排定隊等 Eason上嚟影大合照，唔知以為係皇上駕到囉。菇爹發號施令：「上緊嚟啦，阿神上緊嚟啦。」、「排咗位先啦，唔該！」好喇， Eason終於嚟到，「兩父子」梗係攬嚇先啦，之後菇爹仲大膽到搣「吹神」塊面珠仔，呢個行為，真係要「半個老竇」先可以做。

菇爹呢嚇搣面珠，真係令 Eason措手不及。

影完大合照，以為邊個阿嬸抽水攬埋 Eason一份，睇真啲，原來係杜如風，媽咪姐都要問咗好幾個靚太 friend先認到。

早年嘅杜如風玩型格 feel，如今走樣走到肥腫難分，唔知關唔關舊愛 Eric So（現和王菀之拍拖）事呢？

鍾意就快D Share啦！

下一篇 》