掃呢頁CODE去手機

2014年5月2日 星期五

[忽然1周 979] 虎媽彭羚 超市教女 彭羚,MW,




媽咪姐

虎媽彭羚 超市教女

G.E.M.同林宥嘉呢對過氣情侶連環開火, 45歲嘅彭羚同林海峰生咗兩個囡囡後,估唔到都仲火氣十足!呢日媽咪姐就喺 city'super撞到佢同兩個囡囡買餸,買買嚇彭羚突然向做錯嘢嘅細女開火,完全無視周圍買緊餸啲師奶。林泳被人鬧到頭耷耷冇聲出,大女就喺隔籬「食花生」?唔係唔係,狂隊豆沙餅啫。行勻成個 city'super,彭羚都冇乜點理過個細女,但大女一句肚餓,彭羚就即刻買餅俾佢食。睇嚟呢個「嚴母」對兩個囡囡有啲大細超咁噃。

45歲嘅彭羚做咗全職家庭主婦後,無變肥師奶,但可能湊女辛苦,見佢成日好似嬲爆爆咁。

細女林泳被彭羚當眾鬧到頭耷耷,又被喝令將個籃放番好,呢個媽咪相當有威嚴!

大女林清喺旁邊狂隊豆沙餅,懶理細妹被鬧,唔通睇慣咗?



鍾意就快D Share啦!