掃呢頁CODE去手機

2014年5月23日 星期五

[忽然1周 982] o靚版李若彤(陳嘉寶) 攞得就攞 李若彤,MW,




陳嘉寶係醒目女,啱啱攞咗對贊助水靴,就即刻著住再影張靚相,放上網。咁識幫人宣傳,自然愈嚟愈多人贊助

媽咪姐

𡃁版李若彤 攞得就攞

媽咪姐成日教啲世姪女,小富由儉!好似早前《忽周》都講喺大台中女劇演𡃁版李若彤嘅陳嘉寶( Anjaylia)一向慳家,試過捱成年麵包儲錢去遊學,唔想加重屋企人負擔。

媽咪姐真係信佢咁乖㗎!因為見佢近年都算多廣告,搵到個錢,但依然冇乜用名牌,反而成日攞贊助嘅衫褲鞋襪嚟著。

之前有一次,仲見陳嘉寶一個人攞住幾個大袋借番嚟嘅衫逼地鐵。講真,做星嘅啲衫著一次就要收埋,梗係借衫好應使得使,應慳得慳,叻女!

陳嘉寶同一班中女劇嘅拍檔好鬼 friend,一得閒會約出嚟聚嚇,青春真好啊!

攞贊助衫

之前見陳嘉寶攞住幾大袋衫搭地鐵返將軍澳屋企,呢啲仲係贊助衫,又慳一筆!

除咗慳,仲可以點脫貧呢?學陳嘉寶咁,識個有半億身家嘅男友(黃頌祈)都可能係一條出路。但講到尾,梗係靠自己穩陣。



鍾意就快D Share啦!