[忽然1周 983] 七哥患癌離世 安仔瘦晒硬撐 安仔,許志安,MW,

許志安為七哥離世成個人 down曬，但佢堅稱係因為近排多嘢做先瘦。

媽咪姐

七哥患癌離世　安仔瘦曬硬撐

許志安嘅七哥喺兩個星期前病逝，同家人一向好 close嘅安仔當然傷心，媽咪姐聽到都唔開心。其實安仔七哥嘅病已經纏擾咗一段時間，媽咪姐仲知道佢晚年患有鼻咽癌，安仔安排咗七哥接受私家醫生治療，可惜最終七哥都走咗。適逢近排係安仔新碟宣傳期，連日來佢都懷著沉重嘅心情，堅持出席活動，非常專業。

星期二（ 27日）安仔仲要連走兩個電台接受訪問，對於七哥嘅病，佢就話：「唔想講喇，等身後事做完先啦。」佢仲話人總要向前望，所以會繼續宣傳工作，至於七哥嘅身後事就交由家人安排。媽咪姐見安仔瘦咗一圈，就問「太太」 Sammi點扶持佢？點知安仔話：「嘩！唔講呢啲。」仲即刻鬆人㖭！

一家齊心

許志安家有十兄弟姊妹，佢排最細。前年就試過成家人租旅遊巴回鄉探親，好溫馨。

十嫂淡定

Sammi啱啱喺上海做嘢，講起安仔，就話要俾啲時間，慢慢來。跟住佢就趁飛機 delay，自拍上網，仲話要「學著不著急」。十嫂果然淡定。

鍾意就快D Share啦！

下一篇 》