探熱針
人到老年 79歲楚原腦退化
活躍於五十年代電影圈，拍過無數經典電影，年屆七十九歲的楚原，近年已甚少公開露面。據了解，兩年前開始，家人發現楚原記憶力變差，經醫生診斷，證實患上腦退化症。
日日練書法
深居簡出的粵語影星南紅，去年罕有出席公開活動，當時被問到老公楚原的身體狀況，她沒有半點隱瞞。「佢老仲做得啲乜？個腦都唔得啦。」
其實當時楚原已被證實患上腦退化症，即使只是初期，但醫生仍建議他必須定期覆診食藥，並要多做刺激腦部的運動，希望藉此控制病情，不再惡化。
「屋企人大概兩年前發現楚原叔啲反應開始慢，於是同佢去做 body check，醫生做咗好多測試，證實佢係初期腦退化，情況唔算嚴重，可以食藥控制。對自己有呢個病，楚原叔初時接受唔到，好彩佢同媚姨（南紅原名蘇淑媚）都係樂觀嗰種人，慢慢就好啲。醫生建議楚原叔每日做啲刺激腦部嘅運動，而家佢成日喺屋企練書法，有時又去學太極。」知情者透露。
謝絕應酬
結婚四十七年，楚原與南紅是圈中出名模範夫婦。楚原患病後，近年身體亦大不如前，出入都要用枴杖。為照顧丈夫，南紅幾乎謝絕一切應酬，放棄自己的興趣，全天候陪伴左右。
「以前媚姨返好多興趣班，古箏、二胡、國畫，仲會約埋班朋友一齊練氣功，但自從楚原叔有咗腦退化症，記性差咗，脾氣又唔係咁好，加上行動唔方便所以唔願出街，媚姨唔放心佢自己喺屋企，停曬所有興趣活動，貼身照顧楚原叔，好似老公鍾意食雲吞，佢就日日整，又要成日提住佢食藥。」
同街坊傾偈
與楚原做了幾乎半世紀夫妻的南紅，老伴要去覆診，她亦不假手於人。當日所見，白鬚白髮的楚原，撐住枴杖，但精神不俗，同附近街坊亦有講有笑。
二人離開位於九龍城的寓所，坐的士到油麻地，只見也一把年紀的南紅細心攙扶丈夫上落車，之後行入一幢診所林立的大廈睇腦神經外科，在診所內逗留約半小時，攞完藥便坐的士返回寓所。
名父名妻
現年 79歲的楚原（原名：張寶堅），是香港著名的導演和演員，其父張活遊是著名粵語片演員，在父親影響下，楚原早對電影製作產生興趣，並投身粵語電影編輯工作，筆名秦雨。 67年，與著名粵語片明星南紅結婚，是圈中模範夫妻。
楚原執導過百部電影，經典包括《可憐天下父母心》、《三少爺的劍》和《楚留香》等， 73年執導的喜劇《七十二家房客》，更打破當時香港開埠以來的票房。自從邵氏武俠片電影衰落，他亦減少執導工作，轉戰做演員， 98年獲香港金像獎頒發「專業精神大獎」， 00年全面淡出影視界。
|
鍾意就快D Share啦！
|
|
|
