2014年5月8日 星期四

[壹週刊 1261] 膠劇死撐唔斬 買手高層放大假閃 M1,




膠劇《西遊記》由吳樾飾孫悟空、臧金生飾八戒;無綫以往不勞而獲的慣性收視,也要建基在與慣性親切相符,這些演員對港觀眾來說是零親切感,難怪被唾棄。

探熱針

膠劇死撐唔斬 買手高層放大假閃

無綫黃金時段播出聲稱斥資過億人仔打造的外購劇《西遊記》,結果被觀眾鬧爆,要求腰斬之聲此起彼落,但無綫為了面子及銀紙,繼續死撐,堅持播足五十五集才罷休。據知,無綫急煞停已排期播映的自家劇《載得有情人》改播外購膠作《西遊記》,事件源自一場無綫內亂鬥爭,搞出一鑊粥。

區偉林(右圖)與何冠中是促成膠西劇的始作俑者,但自從該劇「出事」以來,二人相繼潛水。

《載得有情人》由收視保證的蘇玉華及黎耀祥孭飛,卻無端被急煞停。

佈景膠

以《魔戒》班底加一億人仔製作費作招徠的《西遊記》特技,甚有粵語殘片感覺,人物與膠景格格不入。

造型嚇人

劇中很多角色都被罵造型不討好,相信一向自命靚仔的牛魔王也有同感。

穿崩

孫悟空的造型也粗糙得很,一雙毛手被發現只是戴上手套,他變成石頭時的模樣,也簡陋得令人 O嘴。

打亂陣腳

今年二月仍在網上谷新劇《載得有情人》,突然變陣傳此舉內有乾坤。

今年二月開始,無綫已在網上預告,會由黎耀祥及蘇玉華孭飛的《載得有情人》接《愛我請留言》,在八點半黃金檔播出;據了解,其時有關的宣傳策略已定得七七八八,劇中演員亦已作好準備,提早度定期四月開始出席相關宣傳活動。三月中,演員陸續收到工作人員電話,通知一切宣傳活動暫停,但沒有細說原因。由於部分藝人已為宣傳期調動其他工作,一個電話嗌停,一肚氣。

「其實公司喺黃金時段播外購劇已經好唔尋常,仲突然間嗌停定好嘅宣傳計劃,所有關於《載得有情人》嘅訪問同 event都話停就停,外邊啲人唔覺,其實都幾大件事!咁大間公司,啲 plan都係一早部署好,咁臨時臨急,內部一定出現嚴重問題。」知情者說。

權力遊戲

樂易玲遭削權後,如今曾勵珍只是君體也相同吧。

由無綫策動人力物力宣傳《西遊記》開始,公司內部便傳出,掌管戲劇部多年的總監曾勵珍被削權的消息,被抽的《載得有情人》也是曾勵珍嫡系下的製作;加上有傳每集要過萬美元的《西遊記》,是由助理總經理區偉林拍板、無綫節目部副總監何冠中親自購入,不尋常的處理,充分反映是一場權力鬥爭。「呢步棋成功嘅話,就可以挫珍姐嘅氣燄,可惜觀眾同網民狂鬧,鬧啲特技連小學雞都不如,仲吹係《魔戒》班底,真係笑死人。何(冠中)生都預料咗賴嘢,但收 order冇辦法,所以個劇一出街,佢即刻放大假閃走,拍板嘅區偉林亦冇出嚟講過半句。」知情者說。

未算低

去年今日,被期待十年的《金枝貳》去年播映時,因對白冗長,故事沉悶,收視不斷插水,跌到 19點。無綫臨時搵劇中主角伍詠薇、蔡少芬做「導賞團」救亡,不過低處未算低,今年《西遊記》再創新低,至今錄得最低 18點,更獲過千宗投訴,但無綫依然唔理觀眾感受,唔斬。

金枝慾孽貳 19點

西遊記 18點

以往由香港團隊製作的《西遊記》從未衰過,不論電視劇或電影皆是經典,陳浩民、張衞健及周星馳飾演的孫悟空,觀眾記億猶新。

黎祥麥包救亡

無綫打鑼打鼓硬播《西遊記》,高價買入爛劇,播出不到兩星期,被插到體無完膚,但無綫死不認衰,堅持播足五十五集。

為挽回面子,以洗腦式宣傳,照抄去年《金枝貳》因為唔收得加插的「導賞團」,由本土製造的「豬八戒」黎耀祥及「沙僧」麥長青負責導賞,試圖靠兩個入屋好男人,挽留師奶心。可惜收視仍慘不忍睹,平均只得廿二點,最低收視低到十八點。

這場內戰,鋤唔入曾勵珍,最先受挫的,是觀眾。



鍾意就快D Share啦!