全城熱爆的娛樂八封新聞 & 時事趣聞 & 生活 + 趣聞
送金器俾外婆做母親節禮物，羅霖同細仔子晉一齊揀款。
離婚自力更生嘅羅霖，瞓身接拍陶傑執導嘅《愛•尋•迷》，同自己幾乎生得出嘅關楚耀玩情慾，又俾高登男捧到上天，但事實證明：點吹都得，俾錢買飛捧場，另一回事。
票房一殼淚水，羅霖無能為力，唯有做好本分。《壹》仔早排撞到羅霖帶住細仔同媽咪，三代一齊行銅鑼灣，睇錶睇衫睇金飾，最終買咗條金頸鏈，氹阿媽！ 一來嚟緊母親節，二來羅霖為咗慳錢，要同細仔搬返娘家住，買啲嘢孝敬老人家，好應該嘅！
母子感情有幾親密，睇相就知。
行過名錶店， window shopping，望嚇當買咗。
買完金鏈再陪媽咪睇衫，羅霖全程陪住俾意見。
