[壹週刊 1262] 四角亂戀 何傲芝寸完翠如 BB速擒馬主 翠如,何傲芝,熱門,黃翠如,M1,

雖然有指因翠如 BB介入，令「蕭芝戀」告終，但扮慘的何傲芝，其實已光速在馬圈搵到新男友。

探熱針

四角亂戀　何傲芝寸完翠如 BB速擒馬主

蕭正楠（ Edwin）與翠如 BB公開戀情，男方舊愛何傲芝以「邪不能勝正」，為剛萌芽的戀情贈興；棄婦宣言：凸顯黃翠如的狐狸形象。據知，何傲芝寸爆「翠蕭戀」的同時，自己其實早已投向中年馬主懷抱，不時出入馬場陪新歡跑馬仔；四角關係男女各自歸位，各取所需。

老豆拉線

何傲芝自從搣甩蕭正楠女友身份後，在何父的牽線下，四個月前正式與一名中年馬主來往，二人經常在馬場包廂內約會，何父每次都有同行，掩人耳目。

據了解，何傲芝父親何世根雖然破產，但做過馬主的他與馬圈中人稔熟，亦愛為兩個女兒製造機會，在馬場釣金龜。蕭正楠與何傲芝一○年撻著後，何父仍死心不息，從未停過介紹馬圈中的有錢朋友、馬主給兩女傲芝及傲兒認識。

「跑馬日好多時都見何世根同個女入場，佢會喺場邊同啲朋友吹水，但佢個女就會唔見咗人。聽馬會啲人講，傲芝每次都會好快咁閃入包廂，喺入面陪個大馬主跑嚇馬仔；呢度啲人個個都知佢（何父）成日同啲大馬主講自己兩個女有幾好，而家終於俾佢恨到！」知情者說。

在父親何世根培育下，何傲芝、何傲兒兩姊妹早在上流社會打滾釣金龜。早前何父被判破產，有指兩姊妹為家人急撲水，頻交富商。

為黃翠如護航的蕭正楠，破例在《東張西望》默認戀情：「俾啲空間我哋！」此舉即刺激前度何傲芝的神經，在微博出招。

曾任馬評的何傲芝，至今仍愛出席馬主飯局。早前有傳她被蕭正楠狠撇後，即搭上馬主新仔，絕對唔 dry。

微博寸小三

「翠蕭戀」斷正，已有新仔的何傲芝卻心有不甘，在微博反借舊愛蕭正楠曾寸 Juno的名句「邪不能勝正」來寸爆翠如。

昔日甜蜜

翠如 BB介入前，蕭正楠經常管接管送何傲芝，一二年還因遇上交通意外，令這段地下情曝光。之後又多次被發現拍拖行街，可惜甜蜜日子已成過去。

夜蒲食仔

何傲芝初拍拖時，蕭正楠在無綫仍未發圍，故一直被何世根所嫌棄，直至無綫鬧小生荒，蕭正楠受力捧有機會當男主角，搵錢機會增多，何父才少了出聲。

今年初，蕭正楠決定與何傲芝斬纜，之後爆出「收車」事件。

「 Edwin同 GiGi（何傲芝）一齊頭嗰年感情好好，後來 Edwin工作量多咗好多，成日要返大陸， GiGi覺得悶約埋啲朋友去蒲，有時 Edwin打電話俾佢都唔接，之後問佢就話自己瞓咗，後來更愈嚟愈過分， GiGi成日喺外面識男仔，仲俾朋友撞過幾次，有次仲斷正俾人影曬， Edwin忍無可忍，嗌咗好多次分手。」知情者說。

不久後，蕭正楠與黃翠如合拍《師奶 Madam》撻著，令他更加堅決斬纜。

跟蕭正楠禁室纏綿六十小時的新聞出街當日，黃翠如撞到正要出席世界盃宣傳活動，焗住面對的她死都唔肯回應，要勞動拍檔洪永城出言解圍。

何傲芝外貌雖不及胞妹何傲兒出眾，但因性格主動開朗，故吸仔力強過妹妹，在馬壇打滾時已追求者眾。

「翠蕭戀」撻著後，為掩人耳目，二人不時拉埋男方老友曹永廉玩自拍，但始終紙包唔住火，戀情終被踢爆。

主動提議還車

至於蕭正楠分手收車一事，亦大有文章。

「架車係 Edwin主動買俾 GiGi， GiGi老豆破產，佢將架車俾咗老豆用，但又成日嘈話自己冇車揸，係要 Edwin買多架，仲每次都嘈曬咁；其實嗰時 Edwin已經知道 GiGi趁佢唔喺香港搞搞震，加上有次吵大鑊後， GiGi覺得自己食硬個男友，發曬脾氣話俾番架車 Edwin，佢估唔到 Edwin真係決心分手，嗰次之後，大家都冇再聯絡， GiGi好快搵到第二個啦。」知情人說。

對於何傲芝以「邪不能勝正」來回應前度與翠如 BB的新戀情，蕭正楠透過短訊表示不作任何回應，並多謝大家關心。

經典多角戀

拍劇拍戲，男女主角日對夜對談情說愛，好容易撻著，圈中情侶易發展多角戀，或多或少，與此有關。

黃宗澤　胡杏兒　柳岩　黃少祺

12年，有傳黃宗澤在內地拍劇搭上國產乳牛柳岩，激到女友胡杏兒怒斬八年情，但有指杏兒狠心分手，是因為拍內地劇《金玉滿堂》時，與台灣的台視一哥黃少祺撻著。

楊思琦　李泳豪　吳帥

11年 6月，楊思琦突然宣布和男友李泳豪結束 9年情。起初女方一直隱瞞劈腿有新仔吳帥，直到懷有對方骨肉，紙包唔住火下才供出新戀情，但依然唔認有餡。同年 12月，楊思琦被本刊拍到在美國 LA待產， 12年 3月誕下女兒楊卓穎。

廖碧兒　陳豪　林忠豪

陳豪跟廖碧兒發展六年地下情，關係一直是公開的秘密。 10年，廖碧兒瞞著陳豪釣金龜，被本刊拍到出入富二代林忠豪屋企，更即時將男友陳豪降呢為同事，男方心死宣布分手，拜金廖碧兒形象插水。

鍾意就快D Share啦！

下一篇 》