【退出娛樂圈6年】42歲黎姿含淚 感激支持：我生活得好幸福
2014-05-20 23:46:00
黎姿話感激大家對佢嘅關心
42歲靚媽咪黎姿，之前喺微博宣佈「BB」出世，大家以為佢又再生B，紛紛留言恭喜，就連阿嬌鍾欣潼都「中伏」，後來黎姿喺微博撰文致歉，佢解釋其實係佢嗰間皮膚護理中心開張，當正係BB出世咁，結果引起「美麗的誤會」。
而黎姿呢間皮膚護理中心，今日終於喺中環正式開張，婚後一直保持低調嘅黎姿，依然明艷照人，星味爆燈﹗
今日黎姿邀請咗圈中好友出席，包括張晉、童愛玲、陳法蓉、丘凱敏同張新悅等。可能太耐冇出席公開活動，黎姿兩度含淚感謝朋友同傳媒嘅支持，佢話：「退出娛樂圈6年，傳媒朋友好想知我近況，我黎姿o依家仲係別來無恙，生活得好開心、好幸福、好踏實、好充實，好enjoy家庭生活，我好鍾意湊我3個小朋友同照顧我老公。」完全感受到佢份喜樂，真係令人羨慕。
而剛度過40歲生日嘅張晉，透露老婆蔡少芬喺北京拍緊戲，不過都送咗頸鏈做禮物：「我同兩個女食飯慶祝已經好開心，大女係咁kiss我，仲同我朋友講『我真係好鍾意爸爸』，好似初戀一樣咁甜。」係啦，知個女同老婆錫哂你
42歲的黎姿，依然省鏡﹗
大班老友支持黎姿。
張晉話兩個女同佢食飯慶祝生日，感到好開心。
張晉話囡囡係咁錫佢，好似初戀咁甜。
(攝影:陳慧安)
陳法蓉喺微博貼相（微博圖片）
（微博圖片）
|
鍾意就快D Share啦！
|
|
|
