掃呢頁CODE去手機

2014年5月21日 星期三

[FACE 365] 密友支持 軒仔肉色底扮全裸 關智斌:唔會俾人睇蝕 軒仔,關智斌,BKD_S,張敬軒,MF,




在《 EQUUS》中張敬軒飾演一名超級愛馬的精神病患者,好考演技;至於事先張揚的全裸演出,原來軒仔只是以肉色底褲掩人耳目。由於現場嚴禁影相,軒仔著阿婆底的激凸照就冇流出,而官方發相只能見到軒仔「白雪雪」上半身囉!

真面目

密友支持 軒仔肉色底扮全裸 關智斌:唔會俾人睇蝕

張敬軒擔大旗的舞台劇《 EQUUS》(馬)上週五( 9日)開騷,軒仔事先張揚會同方皓玟有激烈纏綿戲,又會有 90%身體裸露,拍海報時更露埋股,擺明色誘觀眾捧場。

出口術成功,舞台劇場場爆。雖然唔似英國版「哈仔」大膽露鳥,不過除剩條肉色貼身阿婆底褲的軒仔,在台上激凸周圍跑,現場女觀眾狂讚「有料到」!晚晚俾人望到實,難得軒仔密友關智斌( Kenny)唔介意,仲好大方話:「唔會俾人睇蝕,佢為藝術而犧牲啫!」密友咁支持,軒仔唔怕豁出去




甚少拍戲拍劇的 33歲張敬軒,反而熱愛做舞台劇。繼兩年前《我和秋天有個約會》同去年的《 Bent屈獄情》,軒仔再次上台同黃秋生合作,在《 EQUUS》入面扮戀馬少年。

軒仔為藝術全裸,雖然現場唔見好友 Kenny關智斌捧場,不過佢對軒仔舞台劇內容卻好清楚,明顯一早睇過

在宣傳短片中,見到軒仔有露股場面,但到正式公演就冇咗呢幕,宣傳谷飛味濃!

「估唔到咁凸!」

張敬軒年前以月租 20萬租住已列為三級歷史文物的摩星嶺 4,000呎別墅自住,入夥時又搵埋一班 friend開 party,關智斌當然有份。

英國版有「哈仔」丹尼爾拉德克里夫全裸玩馬,港版軒仔都激凸娛賓。全劇近 3個鐘,最尾半個鐘先係高潮,講軒仔同女馬伕方皓玟去馬房親熱,兩人剝剩內衣褲男上女下碌地沙,但軒仔被周圍的馬匹影響無法集中精神,最終都搞唔成。

冇性愛場面冇全裸,不過軒仔條肉色貼身阿婆底就相當搶鏡,尤其當男舞蹈員捧起軒仔時,「小軒仔」異常凸出,完場時甚至有女觀眾驚嘆,「估唔到張敬軒咁凸!」

扮 17歲唔使好 fit

軒仔忙開騷,長駐內地的密友關智斌冇入場,但已悄悄回港,上週一( 12日)一個人去銅鑼灣行街濕平。有關軒仔的問題, Kenny都有問必答,更幫對方代言,話今次曬「 Big鵰」只係為藝術犧牲。

F:《 FACE》    K:關智斌

F:有冇睇軒仔個舞台劇?

K:冇呀!

F:知唔知佢受傷?

K:佢話整親腳,好似喺台上踢到嘢!(好清楚喎!)

F:佢係咪 fit咗好多?

K:佢扮 17歲啫,唔使好 fit

F:驚唔驚軒仔俾人睇蝕?

K:唔會(俾人睇蝕),佢為藝術而犧牲啫!

有個咁大方的密友,軒仔下次不如放埋隻「鵰」出嚟娛賓

大戰方皓玟

軒仔在劇中同方皓玟有搞嘢場面,除意識大膽外,方皓玟只除剩胸圍,都算為藝術犧牲!

研究馬油

軒仔在劇中很愛馬,而上週一( 12日),本刊又發現 Kenny無聊在超市駐足研究北海道馬油,兩人真係好夾。

放生日照

家陣個個用電話影相,好多人銀包都冇放相習慣,估唔到 Kenny仲有喺銀包放咗張切蛋糕照片(小圖),唔知張相邊個揸機咁有紀念價值呢?

傷腳漏夜入廠 軒仔:驚破傷風!

連開 21場舞台劇,張敬軒忙到幾乎冇時間休息。一向體弱的軒仔,開騷前已經病過幾次,好衰唔衰第二晚( 10日)演出時又整傷腳,要半夜 12點飛車去港安醫院求診,「頭先做第一 part時批到右腳,有傷口,醫生驚會破傷風,所以都專登過嚟洗傷口!」仲有咁多場要做,軒仔保重呀!

整傷右腳嘅軒仔,由助手陪同下到港安醫院睇醫生。

做咗成晚,睇完醫生嘅軒仔,攰到冇曬表情。



鍾意就快D Share啦!