掃呢頁CODE去手機

2014年5月14日 星期三

[FACE 364] 變大鳥 減 30磅晒巨鵰 方力申:梗有塞嘢 方力申,MF,




'14發育

女士可以墊砵仔糕升 cup,男士一樣可以「裝假狗」曬「巨鵰」,小方呢張廣告相直頭令好多雄性自愧不如。

真面目

變大鳥 減 30磅曬巨鵰 方力申:梗有塞嘢

潮流興爆肌,先有影帝張家輝完美示範,緊貼再有關楚耀和張繼聰加入戰團,一排排「朱古力肌」,搞到港女個個爭住𥄫。

而最近為咗一內地內褲廣告而密密操練嘅方力申,努力全面戒油鹽糖, 4個月極速減走 30磅,經過連月操練更成功練出 6嚿腹肌;不過爆肌唔夠新意,廣告中小方的「巨鵰」超霸氣才是重點,雄風威力強勁,難得小方亦大方承認:「梗係有塞嘢喇!」為咗唔俾人睇「小」,男人可以好執著㗎!

'06小鳥

06年,小方幫居日新加坡攝影師紀嘉良( Leslie Kee)拍攝慈善寫真集,對比今次的廣告照,肌肉輸蝕之餘,未加工的「小方方」亦只屬雛鳥級數。

今年 34歲方力申係香港前遊泳代表隊,運動員底身材一直冇乜走樣,不過今次拍攝內褲廣告仍不敢怠慢,日夜狂操下體重成功由 169磅減到 139磅,仲練出在全盛時期亦從未出現過的六嚿腹肌。

同阿媽嗌交

由於今次要著平腳內褲示人,故小方早在今年 1月已經開始跟杜德智(杜德偉胞兄)操練,每次都針對性集中訓練腹部肌肉,臨近拍攝廣告前 12日仲要全面戒食,包括油、鹽、糖同脫水,搞到小方都嗌曬救命,仲坦言脾氣都變暴躁:「個廣告 4月拍,我 1月就開始 keep,戒飲戒食搞到個人勁暴躁,好多嘢都唔食得,仲試過幾次因為食嘢問題而同阿媽嗌交。」

「女人都係咁做㗎!」

Stephy受惠

小方成功變做肌男,女友 Stephy當然成為直接得益者,小方亦承認 Stephy有欣賞「巨鵰」照,本刊曾致電身在橫店拍戲的 Stephy,但截稿前沒有回覆。

小方練得 fit爆身形,原來私底下仲會同身邊好友開心 share, 6月更會回港拍大台新劇,與女神鍾嘉欣拍檔。

本刊週一( 12日)致電小方,佢就話著內褲完全冇尷尬:「嗰日有女助手喺現場,我當泳褲咁著,雖然幾貼身,不過出奇地冇尷尬喎!」問到內褲廣告出現「巨鵰」,小方則老實說:「梗係有塞嘢喇!女人都係啦,冇嘅咪塞啲嘢落去囉,啲女人都係咁做㗎!(有冇俾 Stephy睇過?)梗係有睇過啲相啦,話曬男人嘅身材係用血同汗換番嚟㗎!自己都唔係好滿意,因為好多人都只係話我瘦,其實我好大隻㗎!不過我係一生人都未試過有腹肌,今次都真係開心嘅。」

日操 45分鐘 教練杜德智:針對肌肉操練

小方所做的訓練由杜德智設計,每次 45分鐘訓練已經可以鍛鍊每一組肌肉,而針對性肌肉操練則更適合小方。

杜德智說:「我主張針對性身體重量鍛鍊,每次操練 45分鐘,例如我改良過嘅掌上壓,可以加強胸肌同背肌訓練,又例如利用橡筋繩來重點訓練背肌同二頭肌,令身體增加健康嘅荷爾蒙,可以快啲有成效。」

肌照「些牙」

成功減去 30磅做肌男,仲影落不少靚相同朋友開心 share,睇見小方 chok住咁擺 pose就知幾咁開心

成功爆肌

經過 3個月地獄式訓練,小方拍埋教練級身型的杜德智,肌肉好似仲勁啲喎!

橡筋訓練

自今年 1月開始就跟杜德智四出操練,而且不一定要困在 gym房,公園一樣可以健身㗎!

鵰遍中外

中外巨星影親內衣廣告例必注目,西方有 C朗同碧咸,強國有曉明大哥收錢谷雀,今次小方全力一谷,唔知班港女會否爭住儲呢?

'07台灣細力

台灣代表何潤東 07年為內衣品牌拍攝過一輯內褲相,相片出街後仲被封為「台男神鵰」,但比起強國曉明大哥,遜色咗囉。

美聯社圖片

'12雀霸碧咸

萬人迷碧咸個樣已經夠煞食, 12年拍攝嘅內褲相更將「巨鵰」表露無遺,不過事後就惹來「裝假狗」疑雲。

路透社圖片

'13遜色 C朗

足球名將 C朗都有內褲曬「鵰」相,效果相對遜色得多。

網上圖片

'14強國代表

Baby男友黃曉明早前一張曬「鵰」相,因為尺寸大,其後仲被網民稱為「神鵰」,不過 PS味濃。

小方坦言健身會上癮,仲話拍完廣告後會繼續做 gym保持身材,如果唔係就好易走樣,估唔到小方咁貪靚喎!



鍾意就快D Share啦!