掃呢頁CODE去手機

2014年6月13日 星期五

[忽然1周 985] 蘇志威胸贏蔡一智 蘇志威,BKD_S,蔡一智,MW,




轉頭換完衫,蘇志威個心口有啲熱,開多幾粒鈕散熱。

媽咪姐

蘇志威胸贏蔡一智

演唱會門劵被熱炒嘅草蜢,上周六( 7日)起一連 6晚喺紅館開騷。潮流興中佬操肌, 48歲嘅「阿細」蘇志威都唔例外,之前狂操肌嘅佢,一開場已經開胸打出鋼條身形,隨即又玩側手翻同蜈蚣彈。講胸肌「阿細」真係一啲都唔細!佢又以半裸長裙造型亮相,仲扮成「長角魔鬼」,搶鏡度爆燈。至於最靚仔嘅蔡一傑,就負責同女嘉賓陳慧琳、黎瑞恩等唱情歌,繼續冧爆女 fans。

至於 49歲嘅蔡一智雖然有跑開步,身形都 fit,不過同「阿細」都係冇得比。佢都有著開胸衫,瘦就夠瘦嘞,但就似乎冇乜肌肉,難怪蔡一智騷肌都只此一款衫,其他時間乖乖封胸

草蜢三子大玩髮色,紫紅、火紅、銀白都有,不過重點係開胸嘅「阿細」最 sharp醒。

蔡一智都有著開胸衫,不過就冇蘇志威咁 deep V,咁多肌。骨感多咗啲!

搏曬命

蘇志威又側手翻又蜈蚣彈,有肌味之餘,仲好靈活。

李克勤係第 2場嘉賓,佢一上台就大放笑彈,搞到蔡一傑鬼咁開心

蔡一傑周日晚( 8日)同黎瑞恩唱情歌,小恩子緋聞是非纏身都俾面,堅 friend喎。



鍾意就快D Share啦!