掃呢頁CODE去手機

2014年6月13日 星期五

[忽然1周 985] 背姜麗文狂溝女 花心鄭俊弘撻着蔡思貝 鄭俊弘,姜麗文,蔡思貝,MW,




鄭俊弘和蔡思貝先在大台新劇演情侶,近日又在超市廣告做夫妻,難怪日久生情。

娛樂喧

背薑麗文狂溝女 花心鄭俊弘撻著蔡思貝

鄭俊弘( Fred)與秦沛女兒薑麗文( Lesley)拍拖兩年,一直是圈中公開秘密。最近,本刊發現女方已長駐男家,正印地位超然。 Fred經常以事業為藉口低調戀情,不肯公開承認薑麗文是女友,但事實是他經常背正印溝女,當然不肯為一棵樹放棄整個森林。

近日, Fred被拍到偷會「巨聲女」王嘉儀,但分散投資的他,卻同時撻著港姐蔡思貝,兩人已暗交兩個月。而主動的蔡思貝早前更突擊 Fred處男 catwalk騷,親自到後台送花,親密關係不言而喻。

蔡思貝雖然強撐 Fred只是好朋友,但提到 Fred有正印 Lesley,她就說:「(同 Fred)做朋友,唔需要避忌!」擺明向正印挑機!








新女登場

上周五( 6日)晚鄭俊弘被發現同「巨聲女」王嘉儀約會到大坑食飯,因而被傳拍拖。

《蘋果日報》圖片

薑麗文( Lesley)一直想將男友公開私有化,但鄭俊弘自從《星夢》爆紅後,被大台收做親生仔,為免影響事業,他一直避談感情事。 Lesley曾同朋友呻,近日與男友見面時間少好多,最嬲的是發現對方竟與幾個女仔 WhatsApp調情。

「 Lesley試過忍唔住問男友, Fred即刻發脾氣,話 Lesley唔信佢,搞到嗌交收場。不過 Fred又幫唔落,佢試過同女友話開緊工,但轉頭就俾 Lesley朋友見到佢同女仔喺屋企附近食糖水。 Lesley梗係癲咗啦,猛問:『你點解講大話!』今次俾人斷正約女仔, Lesley嬲爆,兩個嗌大交之後依家冷戰緊!」知情人透露。

蔡撐場送花

據知,鄭俊弘走紅後多女埋身,他亦來者不拒。他近日與應屆港姐亞軍蔡思貝( Sisley)拍劇有感情線,而兩人又以情侶姿態拍超市廣告,人前人後公然打情罵俏。二人亦不時在 instagram留言耍花槍,當正印薑麗文冇到。端午節當日( 2日),蔡思貝出席完活動後,亦特登趕去 Fred的處男 catwalk騷後台,送花冧仔。

「個 show開始後, Sisley攬住一大束花入咗嚟後台,大家都 O曬嘴,因為大家知蔡思貝唔係嘉賓。不過 Fred嗰日好忙,只係匆匆收咗花, Sisley同佢講咗句:『 Good Show!』就走咗, Sisley走之前仲做咗個『電聯』手勢,睇得出 Fred冧曬。」某工作人員透露。

其實 Fred對靚女突擊送花真是百分百受落,完騷後他即上微博說︰發生了一件「讓他很感動的事情」,對蔡思貝為他製造的驚喜,仍然甜在心頭。

兩人的懷舊廣告得觀眾歡心,蔡思貝更不時大曬兩人的甜蜜合照。

欲蓋彌彰

早前鄭俊弘行完 catwalk,即留言指有事令他很感動。至於眼利 fans,就影到蔡思貝攞住花入後台送俾佢,即時解密。

Fans踢爆

打情罵俏

蔡思貝密密喺 instagram上載與 Fred超市廣告的情侶合照, Fred更主動留言讚蔡思貝,兩人網上傳情令網友大讚合襯。

蔡思貝:大家好 friend

記者訪問蔡思貝,她否認與 Fred暗交,但就直認兩人「好 friend」,又話冇留意男方緋聞,擺明唔放人哋正印在眼內。

記:點解端午節你會去 Fred個 event,仲送花俾佢?

蔡:我咁啱經過咋。

記:但你預備咗紮花俾佢喎!

蔡:束花係之前個端午節活動,我頒完獎,主辦單位送俾我嘅。

記:咁當日冇入後台見 Fred咩?

蔡:冇呀,我最後冇見到佢,佢好忙,我又等唔到咁耐。

記:你哋成日網上傳情喎!

蔡:之前有超市廣告咋。

記:對佢有好感?

蔡:拍劇、拍廣告同佢都係情侶,合作得多,大家好 friend。

記:佢有女朋友,你唔會避忌?

蔡:唔會啦,做朋友唔需要避忌。

記:佢呢排俾人影到同女仔食飯,你有冇留意?

蔡:冇留意呀,平日出街都唔會講呢啲 gossip!

至於鄭俊弘同蔡思貝則夾定口供,唔認端午節見過佢:「 Sisley好似係去咗,但我就見唔到佢。(你喺微博之後話感動?)當日有小朋友唱歌俾我聽,所以先話好感動啫。( Lesley病咗喎,係咪睇完報道激病?)我又唔知佢因咩事病喎!應該關天氣事啩。同佢有聯絡,有 send message。(你同 Lesley係咪同居?)係咩?冇啲咁嘅事!」繼續唔肯俾名份 Lesley。

記者連日來致電薑麗文,她卻罕有潛水唔覆,難怪有指她激到病。

正印發功

鄭俊弘參賽《聲夢》時,薑麗文已經積極為他拉票,又稱他是自己「最重要的男人」。

專職司機

2月 25日,薑麗文去九龍城買完寵物用品後, call鄭俊弘送自己去觀塘。鄭俊弘特登由屋企出嚟,之後返回屋企,果然是柴可夫男友。

過夜返歸

3月 6日,薑麗文和鄭俊弘大清早從男方住所出來,返回女方家。當本刊問鄭俊弘,薑麗文是否和他同居或過夜,鄭俊弘就一味話冇。



鍾意就快D Share啦!