媽咪姐
揭殘廁 Coffee五仔車輪轉
彭順同李悅彤（ Liddy）被撞破偷情之後，另一個同樣喺「 Sing之天使」嘅林芊妤（ Coffee）就同新仔喺 ifc殘廁「碰撞」 30分鐘，仲俾傳媒拍曬片。該煨咯！雖然隔住廁所門冇畫面，但係聽到呻吟聲就知不得了媽咪姐收到風，原來 Coffee唔單止係鏡頭前識拋胸吸睛，鏡頭後仲用埋嚟吸仔。五仔輪住換，愈換愈有米㖭！
據知 Coffee嘅初戀男友係羅天宇，之後就同金剛、大台 PA林肯傳過緋聞，但有報道指林肯一聽見前緋聞女友「廁格碰撞 30分鐘」後，即時劃清界線話：「你講邊個？」事關 Coffee中途轉嗒奀星潘宗揚，仲將愛的便條放上網㖭！有傳男方有家底，所以佢明知對方係花心蘿蔔都一心想嫁入豪門，但最後都係分手收場。依家嘅「廁」激新仔林知譽就係 9億上市公司嘅執行董事，月入 10萬，仲只得 31歲！難怪今次 Coffee進取到當街激吻，又肯匿殘廁「激戰」啦。
坦白講，媽咪姐喺娛樂圈閱人無數，一睇就知 Coffee冧仔有一手。佢除咗逢請必到，逢到必露之外，仲好識得善用佢 34D嘅本錢。記得有次大台編導鍾國強搞 BBQ，當時有好多幕後高層出席，上位監製陳維冠亦係座上客。 Coffee當然唔放過呢個大好機會最後低胸小背心終於令佢喺呢兩年不斷有劇拍，好多都係唔需要演技，只要肯露就有收視，就好似喺《衝上雲霄 II》用 34D胸壓馬國明一幕就令佢上曬位。
貪「廁」激變「凍啡」
據知由陳維冠監製新劇《 4個女人 3個 Bar》， Coffee都有被點名，而緋聞男友林肯仲係呢套劇嘅 PA。不過突然殺出殘廁「 Gathering」後，大台高層嘅樂易玲就話絕不姑息：「作為藝人，德行同操守好重要，佢好清楚知道自己係咪適合做呢行。」樂小姐向來對奀星絕不手軟（睇「翠蕭」傲芝三角錯事件就知），睇嚟今次 Coffee想唔變「凍啡」都好難咯。
「廁」激新仔 9億接班人
Coffee新仔林知譽（ Will）喺香港中文大學完成計量財務學課程後，去美國普林斯頓大學深造，攞咗財務碩士學位，曾在 3間國際投資銀行工作， 2010年正式加入老竇林富華創辦嘅上市公司達利國際集團，今年 4月仲獲委任為執行董事。集團旗下有達到製衣有限公司、達利（中國）有限公司、達利絲綢（浙江）有限公司。
Will仲做埋服裝品牌中心嘅行政總裁，負責開拓新業務。佢個集團喺內地有多個大型廠房，專門生產真絲產品，仲為好多國際服裝品牌提供一條龍生產服務，生意遍布世界各地㗎！ Well，富二代身份毋庸置疑，係估唔到有錢得嚟咁鬼慳家，酒店唔去，上殘廁啫。
|
鍾意就快D Share啦！
|
|
|
