全城熱爆的娛樂八封新聞 & 時事趣聞 & 生活 + 趣聞
余文樂邊煲煙，邊以其特有「助語詞」同工作人員溝通，大家記得睇埋片，有片有真相！
藝人拍夜班，有時真係好鬼悶，尤其喺等打燈、 set位時，都唔知有乜做好？有人玩自拍、有人瞓覺，不過余文樂呢？佢呢兩樣都唔做，咁做乜？原來佢嘅解悶新招就係：煲煙兼爆粗。
早幾晚，媽咪姐喺觀塘海濱道見到余文樂拍電影《暴走迷城》，同場嘅仲有台灣男星張孝全。喺等埋位期間，余文樂一邊煲煙一邊口沫橫飛。聽真啲，噢，佢句句都帶住「助語詞」，有時仲「出口成句」，而且愈吹愈興奮，一啲唔耐煩同倦意都冇。睇嚟呢「二寶」絕對係佢嘅解悶「良方」喎！
當晚有份拍外景嘅，除余文樂外，仲有台灣型男張孝全（右一）。
咪睇余生好似好 hea，但喺試鏡位時一臉認真，專業演員嚟㗎！
