古裝咀
鄭元暢同張鈞甯喺《你》劇入面係一對「銀幕情侶」，故劇中嘅戲中戲無論時裝、古裝都要佢哋嚟一輪激咀。睇到大家熱血沸騰。
亞熱帶
新劇爆 seed 鄭元暢連場咀爆張鈞甯
近年每逢提起型男或花美男，首先諗起嘅，必定係韓國嘅長腿偶巴或都教授。其實喺大中華演藝圈，型男偶像亦唔少。好似台灣嘅鄭元暢， 05年剛出道，憑《惡作劇之吻》系列江直樹一角爆出，雖然被批演技爛，但依然人氣火爆。
新劇《你照亮我星球》乃鄭元暢退伍後首部作品，唔再耍帥扮型，反而 sell演技，飾演一個患上嚴重抑鬱症嘅當紅偶像。首集已全裸跑街，又同女主角張鈞甯激咀連場，仲有牀上戲，意識大膽，挑戰電視尺度。
鄭元暢 03年以電視劇《薔薇之戀》出道，但演技稚嫩，只靠靚仔樣撈人氣。 05年，他跟林依晨合演《惡作劇之吻》，掀起台灣偶像劇熱潮，喺亞洲區迴響巨大。鄭雖然人氣急升，但亦被嘲演技木獨，被封為「冰山直樹」，寸爆他只靠型、英、帥、酷食糊。據說當年鄭元暢因此受壓，幾年嚟幾乎晚晚發噩夢。
兩年前鄭元暢入伍服兵役前，已受到《你》首席導演瞿友寧力邀演出。鄭元暢對《你》好緊張，話曬係退伍後第一部作品，絕對唔衰得。故 13年 7月中旬退伍後，鄭元暢除去過日本舉辦粉絲見面會外，就閉關幾個月苦苦鑽研劇本及角色，直到 12月中旬才開拍。
《你》劇以揭示演藝圈黑暗面為主題，講鄭元暢飾演患有嚴重抑鬱症嘅劉城偉，與張鈞甯飾演嘅章曼玲本是情侶，兩個由茄喱啡捱至成為超級巨星情侶檔嘅故事。
此劇尺度甚大，單係鄭元暢赤裸遊走信義大街以及與張鈞甯激咀連場已令人嘆為觀止，另外更有日本天王福山雅治客串，兼用中文唱主題曲。難怪鄭元暢視《你》劇為「重生」之作。
|
鍾意就快D Share啦！
|
|
|
