網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年6月2日 星期一

楊冪 剖腹生B精神佳 今日仲好胃口 劉愷威 劉愷威,楊冪,




【楊冪產女】剖腹生B精神佳 今日仲好胃口

2014-06-02 12:50:00



到今日都仲未可以見到小糯米嘅真身。(微博圖片)

楊冪噚日喺端午節前夕,為劉愷威誕下千金小糯米,劉丹受訪時話本來楊冪想順產,但作動時劇痛不已,故醫生同劉愷威最後決定為楊冪開刀生B。噚日一整日愷威都喺醫院陪住太太,寸步不離,亦未有受訪。

今日大批傳媒仍留守港安醫院等候,約中午12點25分左右左右,見一年輕女子戴上黑超,坐七人車到醫院,但見到傳媒時就垂頭避上鏡,匆匆入內。隨後司機送來兩大袋飲品俾現場傳媒,謂:「劉太請你哋飲。」未知係指丹爺老婆定楊冪喇。

約10分鐘後,有自稱係劉愷威宣傳人員,叫做阿八嘅人落咗嚟,請大家唔好再等。佢用國語謂楊冪大約於5號出院,有詳情再通知大家。至於何時發BB相?阿八話:「目前還沒有拍照,要看情況。」

談到楊冪嘅情況,阿八表示佢狀態好好,更透露楊冪今日胃口好,愷威亦於樓上陪住太太,今日都唔會落嚟接受訪問。

至下午近2時左右,剛剛有個女人坐番疑似劉愷威妹妹嘅七人車嚟,攞住一袋嘢到達。另蔡一智同佢老婆原來都現身港安,問佢係咪探BB?阿智答:「咩BB?」之後就走咗喇。



一家三「手」,真係好溫馨。(微博圖片)



劉愷威仲話:「就這樣永遠粘著爸爸媽媽吧。」(微博圖片)



黑超年輕女子坐七人車到醫院。(攝影:沈健程)



司機話:「劉太請你哋飲。」未知係指丹爺老婆定楊冪喇。



阿八話楊冪大約於5號出院。



少爺占囝囝嘅手仔。(微博圖片)



梁靜茹個BB嘅手仔。(微博圖片)



鍾意就快D Share啦!