2014年7月11日 星期五

[忽然1周 989] 嘉玲踩 4吋高踭鞋掃戰衣 嘉玲,劉嘉玲,MW,




入到去 Marc Jacobs,嘉玲望咗幾眼女裝手袋,冇乜興趣,反而搵男裝部。咦!偉仔牛一喎,睇嚟應該有買生日禮物嘞!

媽咪姐

嘉玲踩 4吋高踭鞋掃戰衣

偉仔生日(上月 27日),老婆嘉玲要開工陪唔到佢。但係早幾日呢,媽咪姐就撞到嘉玲去中環 Landmark濕平,見佢買咗好多嘢,佢話有啲係送俾人,睇嚟都係預早買定禮物俾老公咁噃!







嘉玲睇落都幾好腳骨力,著住對 4吋高踭鞋行勻半個中環。見到佢嗰陣,已經掃咗三大袋 ValentinoMarc Jacobs同 Roger Vivier,跟住轉去 Chanel同 Chloé。睇佢買嘢都係拎上手摸嚇質地,唔睇價錢,掃名牌貨一啲都唔手軟,行咁耐對腳又唔軟。媽咪姐真係佩服佢!

唔好以為嘉玲著住對四吋高踭鞋買完就好快收手,佢行樓梯如履平地一樣。睇完首飾,又試晚裝,足足試咗大半日先收手,勁!



鍾意就快D Share啦!